ஒரு கரண்டி நல்லெண்ணெய்; கொஞ்சமா கொத்தமல்லி: மீன் குழம்ப இப்படி பண்ணுங்க

How to make meen kulambu | கிராமத்து மீன் குழம்பு செஃப் தாமு ஸ்டைலில் எப்படி செய்ய வேண்டும் என்று தெரியுமா?

மீன் குழம்பு

ByDravidan Times Bureau

Published on: November 14, 2024 at 7:44 am

How to make meen kulambu | மீன் குழம்பு என்றாலே தனி சுவைதான். அனைவரும் விரும்பி உண்ணக்கூடிய கிராமத்து மீன் குழம்பு செஃப் தாமு ஸ்டைலில் எப்படி செய்யலாம் என்று பார்க்கலாம்.

தேவையான பொருள்கள்

மீன் -1/2 கிலோ
புளி கரைசல் – எலுமிச்சை அளவு
மிளகாய்த்தூள் – 3 டீஸ்பூன்
சீரகம்- 4 டீஸ்பூன்
சின்ன வெங்காயம் – 150 கிராம்
மஞ்சள் தூள்அரை -1/2 டீஸ்பூன்
நல்லெண்ணெய் – 2 குழிக்கரண்டி
உப்பு – தேவையான அளவு

செய்முறை

ஒரு பாத்திரத்தில் எலுமிச்சை அளவு புளியை கரைத்து வடிகட்டி சாறு எடுத்துக்கொள்ள வேண்டும் . சின்ன வெங்காயத்தை அரைத்து எடுத்துக் எடுத்துக்கொள்ள வேண்டும். இந்த புளி கரைசல் உடன் அரைத்த சின்ன வெங்காயம், அரைத்த சீரகம், காரத்துக்கு ஏற்ப மிளகாய்த்தூள், மஞ்சள் தூள், ஒரு குழி கரண்டி நல்லெண்ணெய் மற்றும் சிறிது உப்பு சேர்த்து கரைத்துக் கொள்ள வேண்டும்.

பின்னர் ஒரு பாத்திரத்தில் இந்த கரைசலை சேர்த்து பச்சை வாடை நீங்கும் வரை கொதிக்க விட வேண்டும். இவை நன்கு கொதித்து குழம்பின் பச்சை வாடை நீங்கிய பின்னர் இதனுடன் மீன்களை ஒன்றன்பின் ஒன்றாக சேர்க்க வேண்டும். மீன்களை சேர்த்த பின்னர் கரண்டியால் வேகமாக கிளறி விடக்கூடாது. கரண்டியால் கிளறி விட்டால் மீன்கள் உடைந்து விடும்.

பின்னர் இதனுடன் ஒரு குழி கரண்டி நல்லெண்ணெய் சேர்த்து கொதிக்க விட வேண்டும். மீன் வெந்த பின்னர் இறுதியாக கொத்தமல்லி இலைகள் சேர்த்து இறக்கவும். இப்போது கிராமத்தில் பாட்டி வைக்கும் சுவையான மீன் குழம்பு தயார்.

இதையும் படிங்க : குக்கரில் மட்டன் பிரியாணி; மணல் போல் உதிரி உதிரியாக வரும்: இப்படி ட்ரை பண்ணுங்க!