நீட் தேர்வில் தேர்ச்சி.. புதுக்கோட்டை அரசுப் பள்ளி மாணவிக்கு மெடிக்கல் சீட்!

NEET Exam : நீட் தேர்வில் தேர்ச்சி பெற்ற நிலையில் மருத்துவ படிப்புக்கு வைரல் மாணவி ஆர்த்தி தேர்வாகியுள்ளார்.
புதுக்கோட்டையில் உள்ள அரசுப் பள்ளியில் பயின்றவர் ஆர்த்தி. இவர், பள்ளியில் நடந்த கலை, பண்பாட்டு திருவிழாவில் கலந்துகொண்டார்.

இந்த விழாவில் ஆர்த்தி சினிமா பாடல் ஒன்றுக்கு நடனம் ஆடினார். இந்த நடனம் வைரலான நிலையில் பலராலும் விமர்சிக்கப்பட்டது. படிக்கும் வயதில் மாணவ- மாணவியருக்கு சினிமா மோகம் கூடாது எனப் பலரும் விமர்சித்து இருந்தனர். இந்த நிலையில் மாணவி ஆர்த்தி நீட் தேர்வில் தேர்ச்சி பெற்றார்.

தொடர்ந்து, அவர் 7.5 சதவீத இடஒதுக்கீட்டின் மூலம் மருத்துவப் படிப்புக்கு தேர்வாகியுள்ளார். தனது நடனம் விமர்சிக்கப்பட்டது தொடர்பாக முன்னர் மாணவி ஆர்த்தி பேட்டி ஒன்று அளித்திருந்தார்.
அந்தப் பேட்டியில், “ஏன் என்னை திட்டுறீங்க? எங்க பள்ளியில் நான்தான் ஃபர்ஸ்ட்” எனக் கூறியிருந்தார் என்பது நினைவு கூரத்தக்கது.

இதையும் படிங்க : திருநெல்வேலி மாவட்ட சட்ட உதவி பணி: வழக்கறிஞர்களுக்கு அழைப்பு

திராவிடன் டைம்ஸின் செய்திகளை உடனுக்குடன் தெரிந்துக்கொள்ள வாட்ஸ்அப் ட்விட்டர் இன்ஸ்டாகிராம்