நீட் முதுகலை 2025 தேர்வு.. ஆன்லைனில் விண்ணப்பிப்பது எப்படி? கட்டணம் என்ன? முழு விவரம்.!

NEET PG 2025: நீட் முதுகலை (NEET PG) 2025 அறிவிப்பு வெளியிடப்பட்டது. விண்ணப்ப செயல்முறை வியாழக்கிழமை (ஏப்.17 2025) தொடங்குகிறது.

நீட் முதுகலை 2025

ByRajeswari Thayanithi

Published on: April 16, 2025 at 9:09 pm

Updated on: April 16, 2025 at 10:58 pm

புதுடெல்லி, ஏப்.16 2025: தேசிய மருத்துவ அறிவியல் தேர்வு வாரியம் (NBEMS) நீட் முதுகலை (NEET PG) 2025க்கான அதிகாரப்பூர்வ அறிவிப்பை natboard.edu.in என்ற இணையதளத்தில் வெளியிட்டுள்ளது.
இது குறித்து வெனியான அதிகாரப்பூர்வ அட்டவணையின்படி, விண்ணப்ப செயல்முறை நாளை (வியாழக்கிழமை) ஏப்ரல் 17 ஆம் தேதி பிற்பகல் 3 மணிக்கு தொடங்கும் எனத் தெரிவிக்கப்பட்டுள்ளது.

தொடர்ந்து, இந்த விண்ணப்பங்களைச் சமர்ப்பிப்பதற்கான கடைசி தேதி மே 7 ஆம் தேதி இரவு 11:55 மணி வரை ஆகும். மேலும் அந்த அறிவிப்பில், “தேசிய மருத்துவ அறிவியல் தேர்வு வாரியம் (NBEMS) நீட் முதுகலை (NEET-PG) 2025 தேர்வை ஜூன் 15, 2025 அன்று கணினி அடிப்படையிலான தளத்தில் இரண்டு ஷிப்டுகளில் நடத்தும்” எனத் தெரிவிக்கப்பட்டுள்ளது.

நீட் முதுகலை 2025க்கு எப்படி விண்ணப்பிப்பது?

natboard.edu.in or nbe.edu.in போன்ற அதிகாரப்பூர்வ வலைத்தளத்தைப் பார்வையிடவும்.
முகப்புப் பக்கத்தில் உள்ள நீட் முதுகலை 2025 இணைப்பைக் கிளிக் செய்யவும்.
ஒரு புதிய பக்கம் திறக்கும். அதில், விண்ணப்ப இணைப்பைக் கிளிக் செய்து பதிவு செய்யுங்கள்.
விண்ணப்பப் படிவத்தை நிரப்பி விண்ணப்பக் கட்டணத்தைச் செலுத்துங்கள்.
மர்ப்பி என்பதைக் கிளிக் செய்து உங்கள் விண்ணப்பம் ஏற்றுக்கொள்ளப்படும் வரை காத்திருக்கவும்.
விண்ணப்பப் படிவத்தைப் பதிவிறக்கம் செய்து எதிர்கால தேவைக்காக பிரிண்ட் அவுட் எடுத்துக் கொள்ளவும்.

விண்ணப்ப கட்டணம்

பொது, ஓபிசி மற்றும் ஈடபிள்யூஎஸ் பிரிவு வேட்பாளர்களுக்கு விண்ணப்பக் கட்டணம் ரூ.3500 ஆகும். தொடர்ந்து, பட்டியல் (எஸ்சி), பழங்குடி (எஸ்டி) மற்றும் மாற்றுத்திறனாளிகள் பிரிவு விண்ணப்பதாரர்களுக்கு ரூ.2500 ஆக நிர்ணயிக்கப்பட்டு உள்ளது.

இதையும் படிங்க : பி.எம். இன்டன்ஷிப் ஸ்கீம் 2025: 10, 12ஆம் வகுப்பு பாஸ் மாணவர்கள் நோட் பண்ணுங்க..!