மெட்ராஸ் ஐஐடியில் புதிய நான்கு படிப்புகள்.. உடனே முந்துங்க!

IIT Madras: 2026–27 கல்வியாண்டு முதல் அமலுக்கு வரும் வகையில் ஐஐடி மெட்ராஸ் புதிய 4 முதுநிலை பாடப்பிரிவுகளை அறிமுகப்படுத்தியுள்ளது.

ஐஐடி மெட்ராஸ்

ByPushpa Gopinath

Published on: March 21, 2026 at 4:02 pm

சென்னை, மார்ச் 21 2026, 2026–27 கல்வியாண்டு முதல் அமலுக்கு வரும் வகையில் இந்திய தொழில்நுட்ப நிறுவனம் (IIT மெட்ராஸ்) புதிய 4 முதுநிலை (PG) பாடப்பிரிவுகளை அறிமுகப்படுத்தியுள்ளது. இந்த புதிய படிப்புகள் தொழில்நுட்பம், உற்பத்தி, ஆட்சி மற்றும் புதுமை துறைகளில் எதிர்கால தேவைகளை கருத்தில் கொண்டு வடிவமைக்கப்பட்டுள்ளன.

அறிமுகப்படுத்தப்பட்ட புதிய படிப்புகள்:

MA in Public Policy
M.Tech in Semiconductor Materials Technology
M.Tech in Mechanical Engineering (Computational Engineering for Mechanical Systems)
M.Tech in Robotics

இந்தப் பாடத்திட்டங்கள் மாணவர்களுக்கு அதிநவீனத் திறன்கள், செய்முறை அனுபவம் மற்றும் ரோபோட்டிக்ஸ், குறைக்கடத்தித் தொழில்நுட்பம், பொதுக் கொள்கை போன்ற முக்கியத் துறைகளில் இந்தியாவின் வளர்ச்சிக்குப் பங்களிக்கும் வாய்ப்பை வழங்குவதை நோக்கமாகக் கொண்டுள்ளன.

இந்த பாடத்திட்டங்கள் பல்துறை அறிவுத்திறனை (interdisciplinary skills) வளர்க்கும் வகையில் வடிவமைக்கப்பட்டுள்ளதுடன், தொழில் துறை மற்றும் அரசியல் நிர்வாகத்தில் உருவாகும் சவால்களை சமாளிக்க மாணவர்களை தயார்படுத்தும் என்று IIT மெட்ராஸ் தெரிவித்துள்ளது. ஆர்வமுள்ளவர்கள் சேர்க்கை இணையதளத்தை (mtechadm.iitm.ac.in) பார்வையிடலாம்.

இந்த புதிய PG படிப்புகள் மூலம் நாட்டின் செமிகண்டக்டர் வளர்ச்சி, கணினி அடிப்படையிலான பொறியியல், ரோபோடிக்ஸ் மற்றும் பொது கொள்கை ஆய்வு போன்ற முக்கிய துறை மற்றும் ஆராய்ச்சி துறைகளில் மாணவர்களுக்கு மேம்பட்ட வாய்ப்புகள் கிடைக்கும் என தெரிவிக்கப்பட்டுள்ளது.

இதையும் படிங்க; டெல்லி ஐ.ஐ.டி.யில் ஃபெல்லோஷிப் வாய்ப்பு.. 8 வார பயிற்சி.. உடனே விண்ணப்பிங்க!