கமல்ஹாசன் தயாரிப்பில் ரஜினிகாந்த்.. வெளியானது புதிய அப்டேட்!

Rajinikanth: நடிகர் கமல்ஹாசனின் தயாரிப்பில் சூப்பர் ஸ்டார் ரஜினிகாந்த் நடிப்பில் உருவாக உள்ள திரைப்படத்தின் புதிய அப்டேட் வெளியாகி ரசிகர்களை மகிழ்ச்சியில் ஆழ்த்தி உள்ளது.

ரஜினிகாந்த், கமல்ஹாசன்

ByAkila Ramakrishnan

Published on: January 2, 2026 at 10:59 pm

Updated on: January 2, 2026 at 11:00 pm

சென்னை ஜனவரி 2, 2026: நடிகர் கமல்ஹாசனின் தயாரிப்பில் சூப்பர் ஸ்டார் ரஜினிகாந்த் நடிப்பில் உருவாக உள்ள திரைப்படம் குறித்த புதிய அப்டேட் இன்று (வெள்ளிக்கிழமை) வெளியாகி, கோடம்பாக்கம் ரசிகர்களை மகிழ்ச்சியில் ஆழ்த்தியுள்ளது. நடிகர் ரஜினிகாந்த் மற்றும் கமல்ஹாசன் ஆகியோர் ஆரம்ப காலகட்டத்தில் சினிமா துறையில் இணைந்து நடித்தார்கள். கமல்ஹாசன் முக்கிய கதாபாத்திரத்திலும் நடிகர் ரஜினிகாந்த் அவருக்கு இணையான கதாபாத்திரத்திலும் பல்வேறு படங்களில் தோன்றியுள்ளார்கள்.

சினிமாவை பொறுத்தவரை இருவருக்கும் குருவாக மறைந்த இயக்குனர் சிகரம் கே. பாலச்சந்தர் திகழ்ந்தார். இந்த நிலையில் இருவரும் சினிமாவில் மிகப்பெரிய உச்சத்தை தொட ஆரம்பித்த காலகட்டங்களில், பரஸ்பரம் பேசி பிரிந்து நடித்தனர். இதைத்தொடர்ந்து இவர்கள் பல தசாப்தங்களாக இணைந்து நடிக்கவில்லை. இந்த தாகத்தை போக்கும் விதமாக தற்போது கமல்ஹாசன், தயாரிப்பில் சூப்பர் ஸ்டார் ரஜினிகாந்த் நடிக்க உள்ளார்.

இதையும் படிங்க; ராவணன் மவன்டா.. துள்ளி குதித்த விஜய்.. ரசிகர்கள் கொண்டாட்டம்!

சூப்பர் ஸ்டார் ரஜினிகாந்தின் 173 வது திரைப்படமாக இந்த படம் உருவாக உள்ளது; கமல்ஹாசனின் ராஜ் பிலிம்ஸ் தயாரிக்கும் இப்படத்தின் முக்கிய அறிவிப்பு நாளை (ஜனவரி 3 2026), காலை 11 மணிக்கு வெளியாகிறது. முன்னதாக ரஜினிகாந்த் கமல்ஹாசன் இணையும் திரைப்படத்தை இயக்குனர் சுந்தர் சி டைரக்ட் செய்வதாக இருந்தது; இது கைகூடவில்லை அவர் திரைப்படத்தில் இருந்து விலகினார்.

இந்த நிலையில் ரஜினிகாந்தின் 173 ஆவது திரைப்படத்தை யார் இயக்கப் போகிறார் என்ற எதிர்பார்ப்பும் ஏற்பட்டுள்ளது. ரசிகர்களின் இந்த எதிர்பார்ப்புக்கு நாளை விடை கிடைத்தாலும் கிடைக்கும் என்பதில் ஆச்சரியம் இல்லை.

இதையும் படிங்க; ஜனநாயகன், பராசக்தி இடையே போட்டியில்லை.. பாடகர் வேல்முருகன்!