பணத்தை குவித்த பராசக்தி.. முதல் நாள் வசூல் எவ்வளவு தெரியுமா?

Parashakti: சுதா கொங்கரா இயக்கத்தில் சிவகார்த்திகேயன் நடிப்பில் வெளியாகி உள்ள பராசக்தி திரைப்படத்தின் முதல் நாள் வசூல் விவரங்கள் வெளியாகி உள்ளன.

பராசக்தி திரைப்படத்தில் சிவகார்த்திகேயன்

ByAkila Ramakrishnan

Published on: January 12, 2026 at 3:13 pm

சென்னை ஜனவரி 12, 2026: இயக்குனர் சுதா கொங்கரா டைரக்ஷனில், சிவகார்த்திகேயன் நடிப்பில் வெளியாகியுள்ள திரைப்படம் பராசக்தி. இந்த திரைப்படத்தில் 1960களில் தமிழ்நாட்டில் நடைபெற்ற ஹிந்தி எதிர்ப்பு போராட்ட காட்சிகள் உள்ளன.

படமும் அன்றைய காலகட்ட அரசியல் குறித்து பேசுகிறது; இப்படத்தில் திமுக நிறுவனர் சி.என் அண்ணாதுரை, கருணாநிதி உள்ளிட்ட கதாபாத்திரங்களும் இடம் பெற்றுள்ளன. மேலும் படத்தில் ஹிந்தி எதிர்ப்பு காட்சிகள் தீ பரவட்டும் போன்ற வசனங்களும் உள்ளன. இந்தத் திரைப்படம் வெளியாகி கலவையான விமர்சனங்களை பெற்று வருகிறது.

இந்த நிலையில் படத்தின் முதல் நாள் வசூல் விவரங்கள் தற்போது வெளியாகி உள்ளன. அதன்படி பராசக்தி திரைப்படம் உலகெங்கிலும் ர ₹27 கோடிக்கு மேல் வசூலித்துள்ளதாக கூறப்படுகிறது. இது சிவகார்த்திகேயன் மற்றும் பட குழுவினர்களை உற்சாகத்தில் ஆழ்த்தி உள்ளது. பராசக்தி திரைப்படத்தை இன்ப நிதி வெளியிட்டுள்ளார் என்பது குறிப்பிடத்தக்கது.

இதையும் படிங்க: கலெக்ஷனில் தொடர் ஏறு முகம்.. ரன்வீர் சிங்கின், ‘துரந்தர்’ பாக்ஸ் ஆபீஸ் ரிப்போர்ட்!