நடிகர் பிரகாஷ் ராஜ்-க்கு ஜாமினில் வெளிவராத பிடிவாரண்ட்.. பெங்களூரு நீதிமன்றம்

Prakash Raj : நடிகர் பிரகாஷ் ராஜ் மீது ஜாமினில் வெளிவராத பிடிவாரண்ட் பிறப்பிக்கப்பட்டுள்ளது.

பிரகாஷ் ராஜ்

ByJayakrishnan R

Published on: June 23, 2026 at 3:50 pm

Updated on: June 23, 2026 at 4:23 pm

பெங்களூரு, ஜூன் 23, 2026: நடிகர் பிரகாஷ் ராஜ் மீது பெங்களூரு நீதிமன்றம் ஜாமீனில் வெளிவர முடியாத பிடிவாரண்டைப் பிறப்பித்துள்ளது. ஒன்றுக்கும் மேற்பட்ட மாநிலங்களில் அவர் வாக்காளர் அடையாள அட்டைகளை வைத்திருப்பதாக எழுந்த புகாரைத் தொடர்ந்து இந்த உத்தரவு பிறப்பிக்கப்பட்டுள்ளது. இதனால், அவரை கைது செய்வதற்கான சாத்தியக்கூறு உருவாகியுள்ளது.

இந்த விவகாரம் தொடர்பாக குமார் என்ற நபர் புகார் அளித்திருந்தார். அவரது கூற்றுப்படி, பிரகாஷ் ராஜ் மீது காவல்துறை எந்த நடவடிக்கையும் எடுக்கவில்லை. இதனால் அவர் பெங்களூரு நகர காவல் ஆணையர் மற்றும் இந்தியத் தேர்தல் ஆணையத்தை அணுகினார்.

இவ்விரு தரப்பிலிருந்தும் எந்தப் பதிலும் கிடைக்காத நிலையில், குமார் நீதிமன்றத்தை நாடினார். நீதிமன்றம் வழக்கை விசாரித்து, பிரகாஷ் ராஜ் மீது ஜாமீனில் வெளிவர முடியாத பிடிவாரண்டை பிறப்பித்துள்ளது.

இந்த உத்தரவு, பிரகாஷ் ராஜ் மீது சட்டரீதியான நடவடிக்கைகள் தீவிரமடையக்கூடும் என்பதைக் காட்டுகிறது.

இதையும் படிங்க :அட போங்கடா நீங்களும் உங்க தலைமையும்.. ஸ்வேதா மேனன் திடீர் முடிவு!