கிறிஸ்டோபர் நோலன் திரைப்படம்.. ‘தி ஒடிஸி’ பாக்ஸ் ஆபிஸ் வசூல் தெரியுமா?

Odyssey nears $300 mn : ‘தி ஒடிஸி’ (The Odyssey) பாக்ஸ் ஆபிஸில் வலுவான வசூலுடன் முத்திரை பதித்து வருகிறது. அதாவது, கிறிஸ்டோபர் நோலனின் பிரம்மாண்ட படைப்பு வேகம் குறையாமல் தொடர்கிறது; உலகளவில் $300 மில்லியன் வசூலை நெருங்குகிறது.

தி ஒடிஸி

ByThilahavathy P

Published on: July 22, 2026 at 4:09 pm

புதுடெல்லி, ஜூலை 22, 2026: சர்வதேச ஸ்டார் டைரக்டர் கிறிஸ்டோபர் நோலனின் ‘தி ஒடிஸி’ திரைப்படம் தனது இரண்டாவது வாரத்தில் வலுவான வசூல் வேகத்துடன் தொடர்கிறது. உலகளாவிய பாக்ஸ் ஆபிஸில் $300 மில்லியன் மைல்கல்லை நெருங்கி வரும் நிலையில், 5-வது நாளிலும் உள்நாடு, சர்வதேச மற்றும் இந்தியச் சந்தைகளில் வலுவான செயல்பாட்டைத் தக்கவைத்துள்ளது.

இது தொடர்பாக ‘டெட்லைன்’ தகவலின்படி, சாதனை படைத்த திங்கட்கிழமை வசூலைத் தொடர்ந்து, செவ்வாய்க்கிழமையன்றும் உள்நாட்டில் சுமார் $20 மில்லியன் வசூலை இப்படம் ஈட்டும் என எதிர்பார்க்கப்படுகிறது. திங்கட்கிழமை நிலவரப்படி, உள்நாட்டில் $142.1 மில்லியனும், சர்வதேச அளவில் சுமார் $140 மில்லியனும் வசூலித்துள்ளது. ‘ஃபோர்ப்ஸ்’ இதழின் தகவலின்படி, $250 மில்லியன் தயாரிப்பு செலவில் உருவான இப்படத்தின் மொத்த உலகளாவிய வசூல் $282.1 மில்லியனாக உயர்ந்துள்ளது.

‘வெரைட்டி’ இதழின் தகவலின்படி, ‘தி ஒடிஸி’ தனது முதல் வார இறுதியில் உள்நாட்டில் $124.5 மில்லியன் வசூலுடன் தொடங்கியது (பின்னர் $123.5 மில்லியனாக உறுதிப்படுத்தப்பட்டது). அதைத் தொடர்ந்து திங்கட்கிழமையன்று $18.67 மில்லியன் வசூலித்தது. இது 2026-இல் இதுவரை பதிவான சிறந்த திங்கட்கிழமை வசூலாகும். ‘டாய் ஸ்டோரி 5’-ன் $17.3 மில்லியன் மற்றும் ‘ஓப்பன்ஹைமர்’-ன் $12.67 மில்லியன் வசூலை முறியடித்துள்ளது. நோலனின் சொந்த படங்களில் திங்கட்கிழமை வசூல் அடிப்படையில் ‘தி ஒடிஸி’ மூன்றாவது இடத்தில் உள்ளது.

ஜூலை 31 அன்று வெளியாகும் ‘ஸ்பைடர்-மேன்: பிராண்ட் நியூ டே’ வரை வேறு பெரிய படங்கள் எதுவும் வெளியாகாததால், ‘தி ஒடிஸி’ திரைப்படம் போட்டியின்றி தடையற்ற வசூல் வாய்ப்பைப் பெற்றுள்ளது. இதனால், இரண்டாவது வார இறுதியிலும் $61 மில்லியன் முதல் $74 மில்லியன் வரை வசூல் ஈட்டும் வாய்ப்பு அதிகம் என பாக்ஸ் ஆபிஸ் கண்காணிப்பு தளங்கள் தெரிவிக்கின்றன.

இதையும் படிங்க :அமைதியான போராட்டம் மீது தடியடி.. காலா பட நடிகை ஹுமா கவலை!