மூக்குத்தி அம்மன் 2 படத்தில் இரட்டை வேடத்தில் நயன்தாரா.. பரபரப்பு தகவல்கள்!

Mookuthi Amman 2: மூக்குத்தி அம்மன் 2 படத்தில் இரட்டை வேடத்தில் நயன்தாரா நடிக்கிறார் என்ற தகவல் வெளியாகியுள்ளது.

மூக்குத்தி அம்மன் திரைப்படத்தில் நயன்தாரா

ByThilahavathy P

Published on: October 22, 2026 at 1:10 pm

சென்னை, அக்.22, 2026: நடிகை நயன்தாரா நடிப்பில் பெரும் எதிர்பார்ப்பை ஏற்படுத்தியுள்ள ‘மூக்குத்தி அம்மன் 2’ திரைப்படத்தின் டிரெய்லர் வெளியாகியுள்ளது. இதில் நயன்தாரா அம்மன் வேடத்திலும், பெண் காவலர் வேடத்திலும் இரட்டை கதாபாத்திரங்களில் நடித்துள்ளார்.

கடந்த 2020-ம் ஆண்டு வெளியான ‘மூக்குத்தி அம்மன்’ திரைப்படம் ரசிகர்களிடையே நல்ல வரவேற்பைப் பெற்றது. இதன் தொடர்ச்சியாக உருவாகியுள்ள இரண்டாம் பாகத்தில் புராணம், கற்பனை, நகைச்சுவை மற்றும் அதிரடி காட்சிகளுக்கு முக்கியத்துவம் அளிக்கப்பட்டுள்ளது.

இப்படத்தை இயக்குநர் சுந்தர் சி இயக்கியுள்ளார். ரெஜினா கசாண்ட்ரா மற்றும் துனியா விஜய் ஆகியோர் வில்லன் கதாபாத்திரங்களில் நடித்துள்ளனர். மேலும், ஊர்வசி, யோகி பாபு உள்ளிட்ட பலர் முக்கிய கதாபாத்திரங்களில் நடித்துள்ளனர். வேல்ஸ் ஃபிலிம் இன்டர்நேஷனல் சார்பில் ஐசரி கே. கணேஷ் இப்படத்தைத் தயாரித்துள்ளார்.

நயன்தாராவின் இரட்டை வேடம், பிரம்மாண்டமான காட்சிகள் மற்றும் புராணப் பின்னணியிலான மோதல்கள் படத்தின் மீதான எதிர்பார்ப்பை அதிகரித்துள்ளன. ‘மூக்குத்தி அம்மன் 2’ திரைப்படம் வரும் நவம்பர் 6-ம் தேதி திரையரங்குகளில் வெளியாக உள்ளது.

இதையும் படிங்க : தனுஷ் – மம்மூட்டி நடிக்கும் ‘ஓம்’ படத்தின் ‘வீழா வீரா’ பாடல் வெளியீடு.. ரசிகர்கள் வரவேற்பு!