விஜயின் ஜனநாயகன் படத்துக்கு என்ன பிரச்னை? உச்ச நீதிமன்றத்தில் தயாரிப்பாளர் மேல்முறையீடு!

jananayagan censor row: விஜய் நடித்துள்ள ஜன நாயகன் திரைப்படத்திற்கு சி.பி.எஃப்.சி தணிக்கை சான்றிதழ் வழங்குவதை தடை செய்த உயர் நீதிமன்ற உத்தரவை எதிர்த்து, பட தயாரிப்பாளர்கள் உச்ச நீதிமன்றத்தை அணுகியுள்ளனர்.

ஜனநாயகன் படத்தில் விஜய், உச்ச நீதிமன்றம்

BySaranya JK

Published on: January 12, 2026 at 9:54 pm

புதுடெல்லி, ஜன.12, 2026: விஜய் நடித்துள்ள ஜன நாயகன் திரைப்படத்தின் தயாரிப்பாளர்கள், திங்கட்கிழமை உச்ச நீதிமன்றத்தை அணுகினார்கள். அவர்கள், மத்திய திரைப்பட சான்றிதழ் வாரியம் (சி.பி.எஃப்.சி) சான்றிதழ் வழங்க வேண்டும் என கோரிக்கை அளித்துள்ளனர்.
மேலும், தனி நீதிபதி உத்தரவை தடை செய்த சென்னை உயர் நீதிமன்றத்தின் இடைக்கால உத்தரவுக்கும் எதிர்ப்பு தெரிவித்துள்ளனர்.

முன்னதாக, ஜனநாயகன் திரைப் படம் படம் ஜனவரி 9, 2026 அன்று வெளியிட திட்டமிடப்பட்டிருந்தது. ஆனால், சி.பி.எஃப்.சி சான்றிதழ் வழங்கப்படாததால், வெளியீடு காலவரையற்ற முறையில் ஒத்திவைக்கப்பட்டுள்ளது.

தயாரிப்பாளர் மேல்முறையீடு

இந்த நிலையில், ஜன நாயகன் திரைப்படத்தை தயாரித்துள்ள கே.வி.என் ப்ரொடக்ஷன் எல்.எல்.பி நிறுவனம் தரப்பில், உச்ச நீதிமன்றத்தில் மேல்முறையீடு செய்யப்பட்டுள்ளது.
நடிகர் விஜயின் ஜனநாயகன் திரைப்படம் அரசியல் சார்ந்த அம்சங்களை கொண்டதாகக் கருதப்படுகிறது. மேலும், நடிகர் விஜய் இந்தப் படம் வெளியான பிறகு சினிமாவை விட்டு விலகி, நேரடியாக அரசியலில் ஈடுபடுவதாக அறிவித்திருப்பதால், படத்துக்கு பெரும் எதிர்பார்ப்பு ஏற்பட்டுள்ளது.

இந்நிலையில், சென்னை உயர் நீதிமன்றம் முன்னதாக பட தயாரிப்பாளருக்கு நோட்டீஸ் அனுப்ப உத்தரவிட்டதுடன், வழக்கை ஜனவரி 21-ஆம் தேதிக்கு ஒத்திவைத்தது என்பது குறிப்பிடத்தக்கது.

இதையும் படிங்க: எனது பெயரை பயன்படுத்தாதீங்க.. நீதிமன்றம் ஏறிய கமல்ஹாசன்!