நான் இயக்கிய திரைப்படங்களுக்கும் நெருக்கடி.. பா. ரஞ்சித்

Pa Ranjith: ஜனநாயகன் மற்றும் பராசக்தி திரைப்படங்களுக்கு நெருக்கடி கொடுப்பது போன்று எனது இயக்கத்தில் வெளியான திரைப்படங்களுக்கும் நெருக்கடிகள் கொடுக்கப்பட்டன என இயக்குனர் பா. ரஞ்சித் தெரிவித்துள்ளார்.

ஜனநாயகன், பராசக்தி, பா ரஞ்சித்

ByAkila Ramakrishnan

Published on: January 10, 2026 at 2:05 pm

Updated on: January 10, 2026 at 2:06 pm

சென்னை ஜனவரி 10, 2026: தனது இயக்கத்தில் வெளியான திரைப்படங்களுக்கும் தணிக்கை சான்றிதழ் குழு பல நெருக்கடிகள் கொடுத்ததாக இந்நேரத்தில் குற்றம் சாட்டியுள்ளார் பா ரஞ்சித். இது குறித்து ட்விட்டர் எக்ஸ் வலைதளத்தில் இயக்குனர் பா. ரஞ்சித் பதிவிட்டுள்ள பதிவில், “ஜனநாயகன் திரைப்படத்தின் தணிக்கை விவகாரத்தில் மத்திய திரைப்படத் தணிக்கைத்துறையின் செயல்பாடு மிகவும் மோசமானது.

தனிப்பட்ட அரசியல் காழ்ப்புணர்ச்சியின் காரணமாக நடந்திருப்பதற்கான சாத்தியக்கூறுகள் அப்பட்டமாகவே தெரிகிறது. அதே போல, ‘பராசக்தி’ திரைப்படத்திற்கு கொடுக்கப்பட்ட நெருக்கடிகள் போன்றே, என் இயக்கத்தில் வெளிவந்த திரைப்படங்களுக்கும், நீலம் தயாரிப்பில் வெளிவந்த திரைப்படங்களுக்கும் கொடுக்கப்பட்டதை பலமுறை பகிர்ந்திருக்கிறேன்.

இதையும் படிங்க: உலகை திரும்பிப் பார்க்க வைத்த மம்முட்டி படம்.. ‘பிரம்மயுகம்’ செய்த சம்பவம்!

ஆனால், ஜனநாயகன் படத்திற்கு நிகழ்ந்திருப்பதென்பது, தணிக்கைத்துறை தவறான வழிகாட்டுதலுக்குள் சிக்கியிருப்பதைக் காட்டுகிறது. மேலும், மாற்றுக்குரல்கள் வராமல் தடுப்பதற்கான வேலையை மிகத்தீவிரமாகக் கடைபிடிக்கின்ற இது போன்ற மோசமான போக்கை வன்மையாகக் கண்டிக்க வேண்டும். படைப்புச்சுதந்திரம் பாதுகாக்கவும், வரும் காலங்களில் மத்திய தணிக்கைத்துறை சுதந்திரமாக செயல்படவும் குரலெழுப்புவோம்” என குறிப்பிட்டுள்ளார்.

நடிகர் விஜய்யின் ஜனநாயகன் மற்றும் சிவகார்த்திகேயனின் பராசக்தி உள்ளிட்ட திரைப்படங்களுக்கு மத்திய தணிக்கை வாரியம் நெருக்கடிகள் கொடுப்பதாக குற்றச்சாட்டுக்கள் இல்லாத நிலையில் பா ரஞ்சித் இந்த கருத்துகளை முன் வைத்துள்ளார்.

இதையும் படிங்க: ஜனநாயகன் படத்திற்கு தணிக்கை சான்றிதழ் கிடைக்குமா? ஜனவரி 9 தீர்ப்பு!