கல்கி படத்தில் இருந்து தீபிகா படுகோன் விலகல்.. டைரக்டர் பதில் என்ன?

Deepika Padukone to leave Kalki: கல்கி 2898 AD படத்தின் அடுத்த பாகத்தில் நடிகை தீபிகா படுகோன் நடிக்க மாட்டார் என படத்தின் தயாரிப்பாளர்கள் அதிகாரப்பூர்வமாக அறிவித்துள்ளனர்.

கல்கி படத்தில் தீபிகா படுகோன்

ByAkila Ramakrishnan

Published on: September 20, 2025 at 11:00 am

புதுடெல்லி, செப்.20, 2025: கல்கி 2898 AD படத்தின் தயாரிப்பாளர்கள் சமீபத்தில் தீபிகா படுகோனே படத்தின் இரண்டாம் பாகத்தில் நடிக்க மாட்டார் என்று கூறினார்கள். இது ரசிகர்களை சோகத்தில் ஆழ்த்தியது.
இந்நிலையில், 2024 ஆம் ஆண்டு ஒரு நேர்காணலில், படத்தின் இயக்குனர் நாக் அஸ்வின், தீபிகாவைப் பாராட்டி பேசிய வீடியோ காட்சிகள் தற்போது வெளியாகியுள்ளன.

இது குறித்து பேசிய இயக்குனர், “அவர் படப்பிடிப்பு தளத்தில் தனது பணியை எளிதாக்கினார்; படத்துக்கு என்ன தேவையோ அதை மிகச் சரியாக செய்தார்” எனத் தெரிவித்துள்ளார். அதாவது, 2024 ஆம் ஆண்டு ஃபிலிமிமந்த்ராவுடனான தனது உரையாடலில், நாக் அஸ்வின் இவ்வாறு பேசியுள்ளார். மேலும், “அவர் மிகவும் சிரமமில்லாதவர், அவர் என் வாழ்க்கையை மிகவும் எளிதாக்கினார் என்பது உறுதி. குறிப்பாக முதல் பகுதியில், அவரது பாத்திரம் கனமானது. ஆனால் அவருக்கு அதிக காட்சிகள் இல்லை. எனினும் அவர் பாசிடிவ் ஆக எடுத்துக்கொண்டு நடித்தார்” என்றார்.

இந்நிலையில், வியாழக்கிழமை (செப்.18, 2025) கல்கி 2898 AD தயாரிப்பு நிறுவனமான வைஜயந்தி மூவிஸ், தீபிகாவின் விலகலை அதிகாரப்பூர்வமாக அறிவித்துள்ளது. அதில், “கல்கி 2898 AD இன் வரவிருக்கும் தொடர்ச்சியில் தீபிகா படுகோன் நடிக்க மாட்டார்” எனத் தெரிவிக்கப்பட்டுள்ளது.
இது சமூக வலைதளத்தில் பேசுபொருளாகியுள்ளது. மேலும், இந்த விவகாரத்தில் இயக்குனர் கருத்து என்ன? என்ற கேள்வியும் எழுந்துள்ளது.

இதையும் படிங்க : சம்பளம் மட்டுமே ரூ.15 லட்சம்.. கங்கனா ரணாவத் ஹோட்டல் வருமானம் தெரியுமா?