நடிகர் கிருஷ்ணாவுக்கு மருத்துவ பரிசோதனை? பரபரக்கும் கோடம்பாக்கம்!

Actor Krishna undergoes medical examination: போதைப் பொருள் பயன்படுத்தியதாக புகார்கள் எழுந்துள்ள நிலையில், நடிகர் கிருஷ்ணாவுக்கு மருத்துவ பரிசோதனை நடைபெற உள்ளது.

நடிகர் கிருஷ்ணா

ByAkila Ramakrishnan

Published on: June 26, 2025 at 11:44 am

சென்னை, ஜூன் 26 2025: போதைப் பொருள் பயன்படுத்தியதாக எழுந்த குற்றச்சாட்டின் அடிப்படையில் நடிகர் ஸ்ரீகாந்த் போலீசாரால் கைது செய்யப்பட்டு, சிறையில் அடைக்கப்பட்டுள்ளார்.
அவருக்கு மருத்துவ பரிசோதனைகள் நடைபெற்றன. இந்த நிலையில், நடிகர் கிருஷ்ணாவும் போதைப் பொருள் பயன்படுத்தியதாக குற்றச்சாட்டுகள் எழுந்துள்ளன.

இதையடுத்து அவரை கைது செய்ய போலீசார் தீவிரம் காட்டினார்கள். இந்த நிலையில் அவருக்கு மருத்துவப் பரிசோதனை நடத்த போலீசார் தீவிரம் காட்டி வருகின்றனர். இந்தப் பரிசோதனையில் நடிகர் கிருஷ்ணா போதைப் பொருள் பயன்படுத்தியது உறுதி செய்யப்பட்டால் அவரை கைது செய்து போலீசார் விசாரணை நடத்துவார்கள் எனத் தெரிவிக்கப்பட்டு உள்ளது.

கலகலக்கும் கோடம்பாக்கம்

போதைப் பொருள் பயன்படுத்திய வழக்கில் நடிகர் ஸ்ரீகாந்த் கைது செய்யப்பட்ட சம்பவம், தமிழ் சினிமா நகரமான கோடம்பாக்கத்தில் கலகலப்பை ஏற்படுத்தியுள்ள நிலையில் மற்றொரு நடிகரும் சிக்கியுள்ளார்.
நடிகர் கிருஷ்ணா கேரளாவில் படப்பிடிப்பில் இருந்த நிலையில் அவரை தமிழ்நாடு வரவழைத்து போலீசார் விசாரணை நடத்தி வருகின்றனர் என்பது குறிப்பிடத்தக்கது.

இதையும் படிங்க : நடிகர் ஸ்ரீகாந்த் கைது.. அடுத்து யார்? கலகலக்கும் கோடம்பாக்கம்!