‘இது அவசர முடிவல்ல; தனியுரிமையை மதிக்க வேண்டும்’: மனைவி ஆர்த்தியை பிரிந்தார் ஜெயம் ரவி

Actor Jayam Ravi | நடிகர் ஜெயம் ரவி தனது மனைவி ஆர்த்தியை பிரிந்து விட்டதாக அதிகாரப்பூர்வமாக தெரிவித்துள்ளார். இதன்மூலம் 15 ஆண்டுகால இவர்களின் திருமண வாழ்க்கை முடிவுக்கு வந்துள்ளது. இது குறித்து ஜெயம் ரவி தனது வெளியிட்டுள்ள அறிக்கையில், “ஆழ்ந்த ஆலோசனைக்குப் பிறகே பிரிந்து செல்வதற்கான முடிவு எடுக்கப்பட்டது” எனத் தெரிவித்து உள்ளார்.

மேலும் அந்த அறிக்கையில், “நீண்ட யோசனை மற்றும் விவாதத்திற்குப் பிறகு, ஆர்த்தியுடன் எனது திருமணத்தை முறித்துக் கொள்ள கடினமான முடிவை எடுத்துள்ளேன். இந்த முடிவு அவசரத்தில் எடுக்கப்படவில்லை. இது சம்பந்தப்பட்ட அனைவரின் நலனுக்காகவும் இருக்கும் என்று நான் நம்பும் தனிப்பட்ட காரணங்களால் இது உருவாகிறது” எனத் தெரிவித்துள்ளார்.

தொடர்ந்து, பல ஆண்டுகளாக தனது ரசிகர்களிடமிருந்து தனக்கு கிடைத்த ஆதரவிற்கு நன்றி எனவும் ஜெயம் ரவி தெரிவித்துள்ளார். மேலும், “ஒவ்வொருவரும் தங்கள் தனியுரிமையை மதிக்க வேண்டும் மற்றும் இந்த விஷயத்தை தனிப்பட்டதாக இருக்க அனுமதிக்க வேண்டும்” எனவும் ஜெயம் ரவி கூறியுள்ளார். ஜெயம் ரவி-ஆர்த்தி ஜோடி ஜூன் 2009 இல் திருமணம் செய்து கொண்டது.

இந்த ஜோடிக்கு 2 மகன்கள் உள்ளனர். ஜெயம் ரவியின் விவாகரத்து அறிவிப்புக்கு முன்னர், ஆர்த்தி தனது இன்ஸ்டாகிராம் பக்கத்தில் இருந்து ஜெயம் ரவி தொடர்பான படங்களை நீக்கினார். ஜெயம் ரவி-ஆர்த்தி ஜோடிக்கு ஆரவ்-ஆர்யன் என இரண்டு மகன்கள் உள்ளனர் என்பது குறிப்பிடத்தக்கது.

இதையும் படிங்க : ‘தி.மு.க.வின் பி டீம் விஜய்’; அர்ஜூன் சம்பத்

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்