SBI vs PNB; 400 நாள் ஃபிக்ஸட் டெபாசிட்: எந்த வங்கியில் பெஸ்ட் ரிட்டன்?

Fixed Deposit | ஸ்டேட் பேங்க் ஆப் இந்தியா மற்றும் பஞ்சாப் நேஷனல் வங்கி 400 நாட்கள் சிறப்பு பிக்சட் டெபாசிட் திட்டத்தை வழங்கி வருகின்றன.

மியூச்சுவர் ஃபண்டுகள்

best mutual funds top performing dynamic asset allocation funds

ByDravidan Times Bureau

Published on: October 13, 2024 at 11:17 am

Updated on: October 13, 2024 at 11:25 am

Fixed Deposit | எஸ்பிஐ அம்ரித் கலாஷ் மற்றும் பிஎன்பி 400 நாட்கள் கொண்ட எஃப்.டி திட்டங்கள் முதலீட்டாளர்களுக்கு ஒரு குறிப்பிட்ட காலத்திற்கு பணத்தை முதலீடு செய்து வட்டியுடன் திருப்பப் பெறக் கூடிய சிறப்பு எஃப்.டி. திட்டங்களாகும்.

சந்தையுடன் இணைக்கப்படாத திட்டங்களில் முதலீடு செய்வதைத் தேர்ந்தெடுக்கும் முதலீட்டாளர்கள், ஆபத்து குறைவான திட்டங்களாக எஃப்.டி. ஐக் கருதுவதால் இதில் முதலீடு செய்கின்றனர். எஸ்.பி.ஐ. அம்ரித் கலாஷ் மற்றும் பி.என்.பி 400 நாள் எஃப்.டி.கள் பொது மற்றும் மூத்த குடிமக்களுக்கு எவ்வளவு வட்டி விகிதம் வழங்குகின்றன என்பதை பார்க்கலாம்.

ஸ்டேட் பாங்க் ஆஃப் இந்தியா (எஸ்.பி.ஐ)

ஸ்டேட் பாங்க் ஆஃப் இந்தியா சிறப்பு எஃப்.டி. திட்டத்தில் 7.10 சதவீத வட்டி விகிதத்தை வழங்குகிறது. மேலும், மூத்த குடிமக்களுக்கான வட்டி விகிதம் 7.60 சதவீதம் வழங்கப்படுகிறது. எஸ்பிஐ அம்ரித் கலாஷ் எஃப்டி திட்டத்தின் ரூ. 6 லட்சம் முதலீட்டு திட்டத்தில் முதலீடு செய்யும், மூத்த குடிமக்களுக்கு வட்டியாக ரூ. 51,603.32 கிடைக்கும். அதாவது திட்டம் முதிர்ச்சியடையும் போது வட்டியுடன் சேர்த்து ரூ. 6,51,603.32 கிடைக்கும்.

எஸ்.பி.ஐ. அம்ரித் கலாஷ் எஃப்.டி.யின் ரூ. 12 லட்சம் முதலீட்டில் முதிர்ச்சிடையும் திட்டத்திற்கு மூத்த குடிமக்களுக்கு ரூ.1,03,206.64 வட்டி கிடைக்கும். அதாவது, முதிர்வுத் தொகை ரூ.13,03,206.64 கிடைக்கும். அதேபோல், 18 லட்சம் முதலீட்டில் முதிர்ச்சியடையும் திட்டத்திற்கு மூத்த குடிமக்கள் ரூ. 1,54,809.97 வட்டியாக பெறலாம். அதாவது திட்டத்தின் முதிர்வு தொகை ரூ. 19,54,809.97 ஆகும்.

பஞ்சாப் நேஷனல் வங்கி(பி.என்.பி)

பஞ்சாப் நேஷனல் வங்கி 400 நாள் சிறப்பு எஃப்.டியில் பொது குடிமக்களுக்கு 7.25 சதவீத வட்டி விகிதத்தை வழங்குகிறது. மேலும், மூத்த குடிமக்களுக்கு 7.75 சதவீத வட்டி விகிதம் வழங்குகிறது. பி.என்.பி. 400-நாள் சிறப்பு எஃப்.டி.யின் ரூ. 6 லட்சம் முதலீட்டில் முதிர்ச்சியடையும் திட்டத்தில், மூத்த குடிமக்களுக்கு ரூ.52,655.13 வட்டியாகவும், முதிர்வுக் காலத்தில் மொத்தம் ரூ. 6,52,655.13 -ம் வழங்கப்படும்.

அதேபோல், பி.என்.பி. 400-நாள் சிறப்பு எஃப்.டி.யின் ரூ. 12 லட்சம் முதலீட்டு திட்டத்தில் மூத்த குடிமக்களுக்கு ரூ. 1,05,310.27 வட்டியாகவும், முதிர்வுக் காலத்தில் ரூ. 13,05,310.27 மொத்த தொகையும் கிடைக்கும். பி.என்.பி. 400-நாள் சிறப்பு எஃப்.டி.யின் ரூ. 18 லட்சம் முதலீட்டு திட்டத்தில் மூத்த குடிமக்களுக்கு ரூ. 1,57,965.40 வட்டியும், முதிர்ச்சியின் போது மொத்தம் ரூ. 19,57,965.40 -ம் வழங்கப்படும்.

இதையும் படிங்க டாப் மியூச்சுவல் ஃபண்ட்; ஐந்து ஆண்டுகளில் 46 சதவீதம் வரை வருவாய்: இந்தப் பண்டுகளை செக் பண்ணுங்க!