5 ஆண்டுகளில் ரூ.10 லட்சம் வருவாய்.. போஸ்ட் ஆபீஸ் RD திட்டம் தெரியுமா?

High return post office scheme | போஸ்ட் ஆபீஸ் ஆர்.டி. திட்டத்தில் 5 ஆண்டுகளில் ரூ.10 லட்சம் வரை ரிட்டன் பெறலாம். அஞ்சல ஆர்.டி.க்கு 6.7 சதவீதம் ஆண்டு வட்டி வழங்கப்படுகிறது.

போஸ்ட் ஆபீஸ் RD திட்டம்

explore this high return post office scheme

ByDravidan Times Bureau

Published on: January 5, 2025 at 1:48 pm

Updated on: January 5, 2025 at 2:15 pm

போஸ்ட் ஆபீஸ் RD திட்டம் | முதலீட்டாளர்கள் மத்தியில் ஆர்.டி. திட்டம் மிகவும் பிரபலமானதாக உள்ளது. சிறிய தொகையில் பணத்தை சேமிக்க விரும்புபவர்களுக்கு இது ஒரு சிறந்த தேர்வாகும். 5 ஆண்டுகளில் லட்சக்கணக்கான ரூபாய்களை சேமிக்கும் திட்டத்தை இந்திய தபால் துறை செயல்படுத்தி வருகிறது.

ஒவ்வொரு மாதமும் ஒரு குறிப்பிட்ட தொகையை இத்திட்டத்தில் டெபாசிட் செய்தால், சில வருடங்களில் லட்சக்கணக்கில் வட்டியுடன் தொகை கிடைக்கும். இது வாழ்க்கையில் அடுத்தகட்ட முயற்சிகளுக்கு பெரிதும் உதவும் வகையில் அமையும்.

ஆர்.டி. (Recurring Deposit) திட்டத்தில் ஒவ்வொரு மாதமும் பணத்தை டெபாசிட் செய்ய வேண்டும். ஆர்.டி.யை ரூ.100 இல் இருந்து தொடங்கலாம். மேலும், ஒவ்வொரு மாதமும் ரூ.15,000 டெபாசிட் செய்தால், இந்தத் திட்டத்தின் மூலம் ஐந்து ஆண்டுகளுக்குப் பிறகு ரூ.10,70,000 பெறலாம். இந்தத் திட்டத்தின் மூலம் குறுகிய காலத்தில் லட்சக்கணக்கான தொகையை சேமிக்கலாம். இத்திட்டத்தில் ஆண்டுக்கு 6.7 சதவீத வட்டி வழங்கப்படுகிறது.

திட்டத்தின் பலன்களைப் பெற அருகிலுள்ள தபால் நிலையத்தில் ஒரு ஆர்.டி. கணக்கை திறந்து சிறிய தொகைகளை தவறாமல் டெபாசிட் செய்யலாம். இந்தத் திட்டம் ஆண்டுதோறும் 6.7 சதவீத வட்டியை வழங்குகிறது. இது ஒவ்வொரு மூன்று மாதங்களுக்கும் உங்கள் கணக்கில் சேர்க்கப்படும். ஒவ்வொரு மாதமும் ரூ.15,000 டெபாசிட் செய்தால், 60 மாதங்களில் ரூ.10 லட்சம் சேமிக்கப்படும். இந்தத் தொகைக்கு வட்டியாக ரூ.1,70,492 பெறுவீர்கள். இந்த ஆர்டியை திறக்க, உங்கள் ஆதார் அட்டை மற்றும் பான் கார்டு மட்டுமே தேவைப்படும்.

தபால் அலுவலகத்தில் ஆர்.டி. கணக்கு தொடங்குவது எப்படி?

அருகிலுள்ள தபால் நிலையத்திற்குச் செல்லவும்.
ஆதார், பான் கார்டு மற்றும் முகவரிச் சான்று (தேவைப்பட்டால்) சமர்ப்பிக்கவும்.
ஆர்.டி. விண்ணப்ப படிவத்தை பூர்த்தி செய்யவும்.
குறைந்தபட்ச வைப்புத் தொகை மாதம் ரூ.100 ஆகும். நீங்கள் அதிக தொகையை தேர்வு செய்யலாம்.
காலத்தைத் தேர்ந்தெடுக்கவும் (பொதுவாக 5 ஆண்டுகள்).
வைப்பு மற்றும் வட்டியைக் கண்காணிக்க உங்கள் பாஸ்புக் அல்லது ரசீதைப் பெறுங்கள்.
முதிர்வு வரை மாதாந்திர வைப்புத்தொகையை தொடரவும்.3

(Disclaimer: எந்த ஒரு முதலீட்டுக்கு முன்பும் செபியால் அங்கீகரிக்கப்பட்ட முதலீட்டு நிபுணரிடம் ஆலோசனைகள் பெற பரிந்துரைக்கப்படுகிறது.)

இதையும் படிங்க