தமிழ்நாடு அமைச்சரவையில் மாற்றம்: செந்தில் பாலாஜி, பொன்முடி ராஜினாமா!

சென்னை, ஏப்.27 2025: தமிழ்நாடு மின்சாரத்துறை அமைச்சர் செந்தில் பாலாஜி மற்றும் வனத்துறை அமைச்சர் பொன்முடி ஆகியோர் ஞாயிற்றுக்கிழமை (ஏப்.27 2025) ஆளுநர் ஆர்.என்.ரவியிடம் தங்கள் ராஜினாமாக்களை சமர்ப்பித்தனர்.

இந்த நிலையில், முதலமைச்சர் மு.க. ஸ்டாலின் தனது அமைச்சரவையை மறுசீரமைத்தார். அதன்படி, போக்குவரத்து அமைச்சர் எஸ்.எஸ். சிவசங்கருக்கு கூடுதலாக மின்சாரம் துறை ஒதுக்கப்பட்டுள்ளது.

வீட்டுவசதி துறை அமைச்சர் எஸ். முத்துசாமிக்கு கலால் மற்றும் மதுவிலக்கு துறை ஒதுக்கப்பட்டுள்ளது. இந்தத் துறையை அமைச்சர் செந்தில் பாலாஜி வகித்து வந்தார்.
இந்த நிலையில், ஆர்.எஸ். ராஜகண்ணப்பன் தற்போது தனது பால் மற்றும் பால்வள மேம்பாட்டுத் துறையுடன் கூடுதலாக காடுகள் மற்றும் காதி துறையையும் மேற்பார்வையிடுவார் எனத் தெரிவிக்கப்பட்டுள்ளது.

மேலும், கூடுதலாக, பால் மற்றும் பால்வள மேம்பாட்டுத் துறையின் முன்னாள் அமைச்சரான பத்மநாபபுரம் சட்டமன்றத் தொகுதியைச் சேர்ந்த எம்.எல்.ஏ.வான டி. மனோ தங்கராஜை அமைச்சரவையில் சேர்க்க முதலமைச்சர் பரிந்துரைத்தார்.

இதில், Senthil Balaji Ponmudi resign: அரசு வேலைக்காக பணம் கொடுத்ததாகக் கூறப்படும் வழக்கில் செந்தில் பாலாஜி அமலாக்கத்துறையின் விசாரணையை எதிர்கொள்கிறார். இதற்கிடையில், பொன்முடி சமீபத்திய கருத்துக்களுக்காக எதிர்க்கட்சிகளின் கடும் கண்டனத்தை எதிர்கொள்கிறார் என்பது குறிப்பிடத்தக்கது.

இதையும் படிங்க : ‘எங்க கிட்ட 130 அணுகுண்டு இருக்கு’: பாகிஸ்தான் அமைச்சர் மிரட்டல்!