அன்பில் மகேஷ் கைது.. திமுக ஆட்சியை விமர்சித்த தமிழிசை சௌந்தரராஜன்!

Tamilisai Slams DMK Government: அன்பில் மகேஷ் கைது செய்யப்பட்டுள்ள நிலையில், திமுக ஆட்சியை விமர்சித்துள்ளார் தமிழிசை சௌந்தரராஜன்.

தமிழிசை சௌந்தரராஜன்

ByPushpa Gopinath

Published on: October 27, 2026 at 4:46 pm

சென்னை. அக்.27, 2026: சென்னையில், தனியார் பள்ளிகளுக்கு அரசு அங்கீகாரம் மற்றும் அனுமதிகளைப் பெற்றுத் தருவதாகக் கூறி ரூ.100 கோடி மோசடி செய்ததாக எழுந்த புகாரின் அடிப்படையில், முன்னாள் அமைச்சர் அன்பில் மகேஷ் கைது செய்யப்பட்டுள்ளார். இந்த விவகாரம் தமிழக அரசியல் வட்டாரத்தில் பரபரப்பை ஏற்படுத்தியுள்ளது.

இதுகுறித்து பாஜக மூத்த தலைவர் தமிழிசை சௌந்தரராஜன் பேசுகையில், அன்பில் மகேஷ் கைது விவகாரம் திமுக அரசின் தவறான நிர்வாகத்தை மீண்டும் வெளிச்சத்துக்குக் கொண்டுவந்துள்ளதாக விமர்சித்தார்.

தேசியக் கல்விக் கொள்கை மற்றும் மும்மொழிக் கொள்கையை திமுக தொடர்ந்து எதிர்த்து வந்த நிலையில், அக்கட்சியினர் ஊழல் நடவடிக்கைகளில் ஈடுபட்டதாக அவர் குற்றம்சாட்டினார். தங்களது ஊழலை மறைப்பதற்காகவே திமுக மத்திய அரசைக் குறை கூறுவதாகவும் தெரிவித்தார்.

மேலும், திமுக மற்றும் காங்கிரஸ் கட்சிகளின் இரட்டை நிலைப்பாட்டை மக்கள் தற்போது புரிந்துகொண்டுள்ளதாக தமிழிசை சௌந்தரராஜன் கூறினார். இந்த விவகாரம் தொடர்பான குற்றச்சாட்டுகள் குறித்து விசாரணை நடைபெற்று வரும் நிலையில், அரசியல் கட்சிகளிடையே விமர்சனங்கள் அதிகரித்துள்ளன.

இதையும் படிங்க : தேனி சிறையிலிருந்து தப்பிய 17 கைதிகளில் 4 பேர் கைது!