இம்ரான் கானின் பார்ட்னர் இவரா? இவர் தமிழ் நடிகை ஆச்சே?

Lekha Washington: மும்பையில் நடைபெற்ற வாக்காளர் தீவிர சிறப்பு திருத்த எதிர்ப்புப் போராட்டத்தில் நடிகை லேகா வாஷிங்டன், இம்ரான் கான் ஆகியோர் கைது செய்யப்பட்டனர்.

லேகா, இம்ரான் கான்

ByThilahavathy P

Published on: October 11, 2026 at 4:30 pm

மும்பை, அக்.11, 2026: மும்பையில் வாக்காளர் பட்டியல் சிறப்பு தீவிரத் திருத்தமான (எஸ்.ஐ.ஆர்) நடவடிக்கைக்கு எதிராகவும், தலைமைத் தேர்தல் ஆணையர் ஞானேஷ் குமாரை பதவி விலகக் கோரியும் நடைபெற்ற போராட்டத்தில், தமிழ் நடிகையும் கலைஞருமான லேகா வாஷிங்டன் மற்றும் அவரது காதலரும் பாலிவுட் நடிகருமான இம்ரான் கான் ஆகியோர் போலீசாரால் தடுத்து வைக்கப்பட்டனர்.
அக்டோபர் 10-ஆம் தேதி மும்பையின் ஆகஸ்ட் கிராந்தி மைதானம் உள்ளிட்ட பல்வேறு இடங்களில் நடைபெற்ற இந்தப் போராட்டத்தில் 400-க்கும் மேற்பட்டோர் தடுத்து வைக்கப்பட்டதாகத் தகவல்கள் தெரிவிக்கின்றன. டெல்லியில் காக்ரோச் ஜனதா கட்சி ( CJP) சார்பில் நடைபெற்ற போராட்டத்திற்கு ஆதரவு தெரிவிக்கும் வகையில் மும்பையிலும் இந்தப் போராட்டம் நடைபெற்றது. வாக்காளர் பட்டியல் திருத்தத்தில் முறைகேடுகள் நடைபெறுவதாகக் குற்றம்சாட்டிய போராட்டக்காரர்கள், தேர்தல் ஆணையத்தின் செயல்பாடுகளுக்குப் பொறுப்பேற்க வேண்டும் என வலியுறுத்தினர்.

போலீசாரால் தடுத்து வைக்கப்பட்டபோது, லேகா வாஷிங்டனும் இம்ரான் கானும் போலீஸ் வாகனத்தில் அழைத்துச் செல்லப்பட்ட காட்சிகளை லேகா தனது இன்ஸ்டாகிராம் பக்கத்தில் பகிர்ந்தார். பின்னர் இருவரும் பாதுகாப்பாக விடுவிக்கப்பட்டதை உறுதிப்படுத்தினார். போலீஸ் வாகனத்தில் இம்ரானுடன் இருக்கும் புகைப்படத்தைப் பகிர்ந்த அவர், “Romance ho to aisi” எனப் பதிவிட்டிருந்தார். இதன் பொருள், “காதல் என்றால் இப்படித்தான் இருக்க வேண்டும்” என்பதாகும்.

அதேபோல், இம்ரான் கானும் போலீஸ் வாகனத்தில் எடுத்த புகைப்படத்தைப் பகிர்ந்து, “வெளியே செல்ல ஒரு சவாரிக்குச் செல்கிறேன் போலிருக்கிறது” என்ற பொருளில் நகைச்சுவையாகப் பதிவிட்டார். போராட்டத்தில் பங்கேற்றதற்கான காரணம் குறித்து பேசிய இம்ரான், ஒரு குடிமகனாகவும் இந்த நகரத்தில் வசிப்பவராகவும், மக்களின் நடமாட்டச் சுதந்திரம் ஏன் கட்டுப்படுத்தப்படுகிறது, அவர்களின் குரல்கள் ஏன் ஒடுக்கப்படுகின்றன என்பதை அறியவே வந்ததாகத் தெரிவித்தார்.

இதற்கிடையே, மும்பையில் அனுமதியற்ற கூட்டங்கள் கூடுவதைத் தடுக்கும் நோக்கில் நடவடிக்கை எடுத்ததாகவும், ஆகஸ்ட் கிராந்தி மைதானம் போராட்டத்திற்காக அங்கீகரிக்கப்பட்ட இடம் அல்ல என்றும் போலீசார் தெரிவித்தனர். இந்தப் போராட்டத்தில் இம்ரான் கானின் உறவினரும் நடிகையுமான ஜைன் மேரியும் தடுத்து வைக்கப்பட்டார். மேலும், சமூகச் செயல்பாட்டாளர் துஷார் காந்தி மற்றும் மார்க்சிஸ்ட் கம்யூனிஸ்ட் கட்சியினரும் போலீசாரால் தடுத்து வைக்கப்பட்டனர். துஷார் காந்தி சுமார் ஒன்பது மணி நேரத்திற்குப் பிறகு விடுவிக்கப்பட்டார். டெல்லியில் SIR நடவடிக்கை மற்றும் வாக்காளர் பதிவு படிவம் தொடர்பான மாற்றங்களில் முறைகேடுகள் இருப்பதாகக் கூறி CJP போராட்டத்திற்கு அழைப்பு விடுத்திருந்தது. இந்த விவகாரம் நாடு முழுவதும் அரசியல் விவாதத்தை ஏற்படுத்தியுள்ள நிலையில், போராட்டத்தில் பங்கேற்ற பிரபல நடிகர்கள் தடுத்து வைக்கப்பட்ட சம்பவமும் கவனம் பெற்றுள்ளது.

இதையும் படிங்க : ‘துரந்தர் தி ரிவெஞ்ச்’பட இசைக்கு கிராமி விருது? 8 பிரிவுகளில் பாடல்கள் சமர்ப்பிப்பு!