‘தேசத்தின் இதயங்கள் நொறுங்கின’.. கரப்பான்பூச்சி ஜனதா கட்சிக்கு சோனாக்ஷி ஆதரவு!

Sonakshi Sinha shares lathi‑charge visuals : டெல்லி கரப்பான்பூச்சி ஜனதா கட்சி போராட்டத்தின் போது போலீசார் நடத்திய தடியடி படங்களை நடிகை சோனாக்ஷி சின்ஹா பகிர்ந்துள்ளார்.

நடிகை சோனாக்ஷி சின்ஹா

ByThilahavathy P

Published on: July 21, 2026 at 5:23 pm

புதுடெல்லி, ஜூலை 21, 2026: சிஜேபி போராட்டத்தின் போது மாணவர்கள் மீது நடத்தப்பட்ட தடியடிப் படங்களை நடிகை சோனாக்ஷி சின்ஹா சமூக ஊடகங்களில் பகிர்ந்துள்ளார். மாணவர்கள் மற்றும் ஆர்வலர்கள் மீது காவல்துறை மேற்கொண்ட வன்முறையை அவர் கண்டித்ததுடன், போராட்டத்திற்கு தனது ஆதரவை வெளிப்படுத்தினார். “ஜூலை 20… பலரின் எலும்புகள் உடைந்தன, ஒரு முழு தேசத்தின் இதயமும் உடைந்தது. அதை நினைவில் கொள்ளுங்கள்,” என்று அவர் குறிப்பிட்டார்.

இந்த போராட்டம், கல்வி சீர்திருத்தங்கள் மற்றும் மத்திய கல்வி அமைச்சர் தர்மேந்திர பிரதானின் ராஜினாமாவைக் கோரிய மாணவர்களின் கோரிக்கையை முன்னிறுத்தியது. மாணவர்கள் மீது தடியடி நடத்தப்பட்டதாகக் கூறப்பட்டதைத் தொடர்ந்து, பல பிரபலங்கள் சமூக ஊடகங்களில் கருத்து தெரிவித்தனர். சோனாக்ஷி சின்ஹா, போராட்டத்தின் மனதை நொறுக்கும் படங்களை பகிர்ந்து, மாணவர்களின் குரலை வலுப்படுத்தினார்.

முன்னதாக, சமூக ஆர்வலர் சோனம் வாங்சுக்கை காவல்துறையினர் ஜந்தர் மந்தரில் இருந்து வலுக்கட்டாயமாக அழைத்துச் சென்றதை சோனாக்ஷி விமர்சித்திருந்தார். வாங்சுக் மருத்துவமனைக்கு மாற்றப்பட்டதைத் தொடர்ந்து, அவர் பாதுகாப்பாக இருப்பது குறித்து நிம்மதி தெரிவித்தார். “இன்று சோனம் சாருக்கு நடந்தது சரியல்ல. அவர் நலமாக இருப்பதும், அவரது மனைவி அவருடன் இருப்பதும் எனக்கு மகிழ்ச்சி அளிக்கிறது,” என்று அவர் இன்ஸ்டாகிராமில் பகிர்ந்த வீடியோவில் கூறினார்.

சமீபத்திய தேர்வுத் தாள் கசிவு விவகாரம் மற்றும் அதனைத் தொடர்ந்து நடந்த மாணவர் போராட்டம், கல்வி முறையில் உள்ள குறைபாடுகளை வெளிப்படுத்தியுள்ளன. சோனாக்ஷி சின்ஹா போன்ற பிரபலங்கள் மாணவர்களுக்கு ஆதரவாகக் குரல் கொடுப்பது, இந்த விவகாரம் சமூகத்தில் பரவலான கவனத்தை ஈர்த்துள்ளது.

இதையும் படிங்க : ஜனநாயகன் புதிய சாதனை.. முன்பதிவு வசூல் எத்தனை கோடிகள் தெரியுமா?