மின்சார தடை பிரச்னை.. தமிழ்நாடு அரசு புதிய திட்டம்?

TN Acts to Curb Power Cuts : மின்சார தடையை தீர்க்க தமிழ்நாடு அரசு சார்பில் பல்வேறு நடவடிக்கைகள் ஏற்பட்டுள்ளன.

மின்தடை

ByDravidan Times Bureau

Published on: July 8, 2026 at 3:56 pm

சென்னை, ஜூலை 8, 2026: தமிழ்நாட்டில் அடிக்கடி ஏற்படும் மின் தடைகளை குறைக்கும் நோக்கில், மின்வாரியம் புதிய வழிகாட்டு நெறிமுறைகளை வெளியிட்டுள்ளது. பகுதி வாரியாக எப்போதெல்லாம் மின் தடை ஏற்பட்டது என்பதை பதிவு செய்யும் வகையில் பதிவேட்டை பராமரிக்க உத்தரவிடப்பட்டுள்ளது. இதன் மூலம், மின் விநியோகத்தில் ஏற்படும் குறைபாடுகளை தெளிவாகக் கண்டறிந்து நடவடிக்கை எடுக்க முடியும்.

சில துணை மின் நிலையங்கள், ஃபீடர்கள் மற்றும் மின் வலையமைப்பு பகுதிகளில் தொடர்ந்து மின் தடை ஏற்படுவதாக மின்வாரியம் குறிப்பிட்டுள்ளது. இந்த பிரச்சினைகள் எதனால் ஏற்படுகின்றன என்பதை ஆராய்ந்து, தொழில்நுட்ப ரீதியான தீர்வுகளை மேற்கொள்ள வேண்டும் எனவும் அறிவுறுத்தப்பட்டுள்ளது.

மின் தடைகள் அதிகம் ஏற்படும் பகுதிகளை தனித்தனியாக ஆய்வு செய்து, தேவையான பராமரிப்பு பணிகளை மேற்கொள்ளும் திட்டம் உருவாக்கப்பட்டுள்ளது. குறிப்பாக, பழைய உபகரணங்கள், அதிக சுமை, பராமரிப்பு குறைபாடுகள் போன்ற காரணிகளை அடையாளம் கண்டு, அவற்றை சரிசெய்யும் நடவடிக்கைகள் மேற்கொள்ளப்பட உள்ளன.

மின்வாரியம் வெளியிட்டுள்ள இந்த புதிய திட்டம், பொதுமக்களுக்கு இடையறாத மின் விநியோகத்தை உறுதி செய்யும் நோக்கில் முக்கியமான முன்னேற்றமாகக் கருதப்படுகிறது. மின் தடைகளை குறைத்து, மக்கள் நம்பிக்கையை அதிகரிக்கும் வகையில், இந்த நடவடிக்கை மாநிலம் முழுவதும் நடைமுறைக்கு வரும் என எதிர்பார்க்கப்படுகிறது.

இதையும் படிங்க : டாஸ்மாக் ஊழியர்களுக்கு 25 சதவீத ஊதிய உயர்வு.. தமிழ்நாடு அரசு!