சச்சின் 36 ஆண்டுகால சாதனையை முறியடித்த வைபவ் சூர்யவன்ஷி.. எப்படி தெரியுமா?

Vaibhav Sooryavanshi: இந்திய கிரிக்கெட் அணியில் 15 வயதான வைபவ் சூர்யவன்ஷி இடம் பிடித்துள்ளார்.

வைபவ் சூர்யவன்ஷி

ByPunitha Rajesh

Published on: June 6, 2026 at 6:30 pm

புதுடெல்லி, ஜூன் 6, 2026: 15 வயதான வைபவ் சூர்யவன்ஷி இந்திய அணியில் இடம் பெற்றுள்ளார். இந்தியா ஏ அணியில் விளையாடிக் கொண்டிருக்கும் நிலையில், அயர்லாந்து மற்றும் இங்கிலாந்து டி-20 தொடர்களுக்கான அணியில் சேர்க்கப்பட்டு, ஆசிய விளையாட்டுகளிலும் பங்கேற்க உள்ளார். அவரது அபாரமான ஆட்டம் காரணமாக, தேர்வுக் குழுவுக்கு வேறு வழியில்லாமல் அவரை தேர்வு செய்ய வேண்டிய நிலை ஏற்பட்டது.

வைபவ் சூர்யவன்ஷியின் சாதனைகள்

2026ல் ஐ.பி.எல் ராஜஸ்தான் ராயல்ஸ் அணிக்காக விளையாடிய அவர், ஐ.பி.எல் வரலாற்றில் இளம் வயதில் சதம் அடித்த சாதனையாளர் ஆவார். மேலும், 19 வயதுக்கு உட்பட்டோருக்கான உலகக்கோப்பை இறுதிப் போட்டியில் 175 ரன்கள் அடித்து இந்திய அணிக்கு ஆறாவது பட்டத்தை பெற்றுத் தந்தார்.

இதற்கிடையில், விஜய் ஹசாரே கோப்பையில் 190 ரன்கள் அடித்து இரட்டை சதத்துக்கு அருகில் சென்றார். இதற்கிடையில், 776 ரன்கள் அடித்து ஐ.பி.எல்.லில் ஆரெஞ்ச் தொப்பி வென்றார்.

தேர்வுக் குழுவின் முடிவு

இந்த நிலையில், அஜித் ஆகர்கர், “அவரது ஆட்டம் எங்களைத் தேர்வு செய்யத் திணித்தது. வயது குறைந்தாலும், ஐ.பி.எல்-இல் தொடர்ந்து இரண்டு சீசன்களில் காட்டிய திறமை, அவரை தவிர்க்க முடியாதவனாக மாற்றியது” எனத் தெரிவித்தார். இதற்கிடையில், முன்னாள் கிரிக்கெட் வீரர்கள் மற்றும் ரசிகர்கள் அனைவரும் அவரை அணியில் சேர்க்க வேண்டும் என வலியுறுத்தினர்.

இந்த நிலையில், வைபவ் சூர்யவன்ஷி, சச்சின் டெண்டுல்கரின் 36 ஆண்டுகள் பழைய சாதனையை முறியடித்து, இந்திய அணியில் இடம் பெற்ற இளம் வீரராக வரலாற்றில் இடம்பிடித்துள்ளார்.

இதையும் படிங்க : போன் போட்ட மனைவி.. பாதியில் பேச்சை நிறுத்திய கவாஸ்கர்!