ரூ.225 கோடி கிளப்பில் திரிஷ்யம்-3.. வசூலில் தொடரும் மர்மம்!

Drishyam 3 : மலையாள சூப்பர் ஸ்டார் நடிகர் மோகன் லாலின் திரிஷ்யம் பாகம் 3 திரைப்படம் பாக்ஸ் ஆபிஸில் இதுவரை ரூ.225 கோடி வசூல் வேட்டை நடத்தியுள்ளது.

நடிகர் மோகன் லால்

ByThilahavathy P

Published on: June 4, 2026 at 6:32 pm

திருவனந்தபுரம், ஜூன் 4, 2026: நடிகர் மோகன்லால் நடித்த திரிஷ்யம் 3 திரைப்படம் பாக்ஸ் ஆபிஸில் ரூ.225 கோடியை கடந்துள்ளது. இந்த வெற்றியின் பின்னணியில், இயக்குநர் ஜீத்து ஜோசப் ரசிகர்களிடையே பெரும் ஆர்வத்தை ஏற்படுத்திய போஸ்ட்-கிரெடிட் காட்சியைப் பற்றி விளக்கம் அளித்துள்ளார். அதேசமயம், திரிஷ்யம் 4 குறித்த தனது திட்டங்களையும் வெளிப்படையாக பகிர்ந்துள்ளார்.

இது குறித்து, ஜீத்து ஜோசப் கூறுகையில், “திருஷ்யம் 3-இன் முடிவில் காட்டப்பட்ட காட்சி, அடுத்த பாகத்திற்கான சுட்டுமொழி. ஆனால், திரிஷ்யம் 4 உடனடியாக உருவாகாது. கதைக்கான சரியான சூழல் மற்றும் நேரம் கிடைத்த பிறகே அதை தொடங்குவோம்” என தெரிவித்துள்ளார்.

திரிஷ்யம் தொடரின் வெற்றி, குடும்பம் மற்றும் குற்றவியல் விசாரணை ஆகியவற்றை இணைக்கும் வலுவான திரைக்கதையால் ஏற்பட்டது. மூன்றாம் பாகம், ரசிகர்களிடையே பெரும் வரவேற்பைப் பெற்றதோடு, பாக்ஸ் ஆபிஸில் சாதனை படைத்துள்ளது. இதனால், நான்காம் பாகம் குறித்த எதிர்பார்ப்பு அதிகரித்துள்ளது.

இந்நிலையில், ஜீத்து ஜோசப், “மோகன்லாலுடன் இணைந்து பணியாற்றுவது எப்போதும் ஒரு சிறப்பு அனுபவம். ரசிகர்கள் காட்டும் அன்பே இந்த தொடரை முன்னெடுத்து செல்லும் சக்தி” என கூறியுள்ளார்.

திரிஷ்யம் 4 குறித்த அதிகாரப்பூர்வ அறிவிப்பு இன்னும் வராத நிலையில், ரசிகர்கள் அடுத்த கட்ட அப்டேட்டுக்காக ஆவலுடன் காத்திருக்கின்றனர்.

இதையும் படிங்க :அண்ணையா, எஸ்.பி பாலசுப்பிரமணியம்.. கமல்ஹாசன் நெகிழ்ச்சிப் பதிவு!