சில்வண்டு சிக்கும், சிறுத்தை சிக்காதுலே.. திருச்சி சூர்யா அரெஸ்ட்.. யூ-ட்யூபர் முக்தார் எங்கே?

Trichy Surya Arrested : பெண்களை குறிவைத்து ஆபாசமாக பேசிய வழக்கில் பிரபல யூ-ட்யூபர் முக்தாரை போலீசார் வலைவீசி தேடிவருகின்றனர்.

யூ-ட்யூபர் முக்தார்

ByJayakrishnan R

Published on: June 4, 2026 at 12:51 pm

சென்னை, ஜுன் 4 2026: அலிசா அப்துல்லா குறித்து ஆபாசமாக பேசியதாக எழுந்த குற்றச்சாட்டின் அடிப்படையில், திருச்சி சூர்யா கைது செய்யப்பட்டுள்ளார். அரசியல் தொடர்பான விவாதத்தின் போது பெண்களை இழிவுபடுத்தும் வகையில் பேசியதாக அவர் மீது புகார் அளிக்கப்பட்டுள்ளது.

இதற்கிடையில், இந்த சம்பவம் சமூக வலைத்தளங்களில் பெரும் சர்ச்சையை ஏற்படுத்தியுள்ளது. மேலும், பெண்களை குறிவைத்து ஆபாசமாக பேசும் யூ-ட்யூபர்கள் மீது கடுமையான நடவடிக்கை எடுக்க வேண்டும் என்ற கோரிக்கை பல்வேறு தரப்பினரிடமிருந்து எழுந்துள்ளது. குறிப்பாக, அரசியல் மற்றும் சமூக விவாதங்களில் பெண்களை இழிவுபடுத்தும் பேச்சுகள் அதிகரித்து வருவதை கண்டித்து, பொதுமக்கள் கடும் எதிர்ப்பு தெரிவித்துள்ளனர்.

தப்பிய முக்தார்

இதற்கிடையில் இந்தப் பேச்சுடன் தொடர்புடைய மற்றொரு யூ-ட்யூபர் முக்தாரை போலீசார் வலைவீசி தேடிவருகின்றனர். மேலும், அவர் வெளியிட்ட வீடியோக்களிலும் பெண்களை இழிவுபடுத்தும் வகையில் கருத்துக்கள் இருந்ததாக கூறப்படுகிறது. இதனால், அவரை கைது செய்யும் முயற்சியில் போலீசார் தீவிரமாக செயல்பட்டு வருகின்றனர்.

இந்த சம்பவம், சமூக ஊடகங்களில் கருத்து தெரிவிக்கும் சுதந்திரம் மற்றும் அதன் பொறுப்புகள் குறித்து மீண்டும் விவாதத்தை கிளப்பியுள்ளது. கருத்து சுதந்திரம் என்ற பெயரில் பெண்களை இழிவுபடுத்தும் பேச்சுகள் சமூகத்தில் ஏற்றுக்கொள்ளப்பட முடியாது என்பதையும், சட்டத்தின் கீழ் கடுமையான நடவடிக்கை எடுக்கப்பட வேண்டும் என்பதையும் இந்த சம்பவம் வலியுறுத்துகிறது.

இதையும் படிங்க : 125 நாள் வேலை திட்ட நிதி குறைப்பு.. தமிழக அரசை எச்சரிக்கும் அன்புமணி