கர்நாடக முதலமைச்சராக டி.கே. சிவக்குமார் பதவியேற்பு

Karnataka New CM: கர்நாடக மாநில காங்கிரஸ் தலைவர் டி.கே. சிவக்குமார் அம்மாநில முதலமைச்சராக பதவியேற்றார்.

BySaranya JK

Published on: June 3, 2026 at 6:04 pm

பெங்களூரு, ஜுன் 3 2026: கர்நாடக மாநில காங்கிரஸ் தலைவர் டி.கே. சிவக்குமார் இன்று (புதன்கிழமை) மாநில முதலமைச்சராக பதவியேற்றார்.

மாநில ஆளுநர் தாவர்சந்த் கெஹ்லோட், பெங்களூருவில் உள்ள லோக் பவன் வளாகத்தில், சிவக்குமாருக்கு பதவிப் பிரமாணமும், ரகசியக் காப்பு பிரமாணமும் செய்து வைத்தார்.

அரசியலமைப்புச் சட்டத்தின் பிரதியை கையில் ஏந்தியபடி, தாம் மதிக்கும் ஆன்மிக குருவான “கங்காதர் அஜ்ஜா” பெயரில் டி.கே. சிவக்குமார் பதவியேற்றார். அவருடன் துணை முதலமைச்சர் உள்ளிட்ட 13 அமைச்சர்களும் பதவியேற்க உள்ளனர்.

மே 28 அன்று முதல்வர் பதவியில் இருந்து சித்தராமையா விலகியதைத் தொடர்ந்து, மே 30 அன்று காங்கிரஸ் சட்டமன்றக் குழுவின் தலைவராக சிவக்குமார் தேர்ந்தெடுக்கப்பட்டார். இதற்கு முன்பு அவர் சித்தராமையா தலைமையிலான அமைச்சரவையில் துணை முதல்வராக பணியாற்றினார்.

பதவியேற்பு விழாவில் மக்களவை எதிர்க்கட்சித் தலைவர் ராகுல் காந்தி, அகில இந்திய காங்கிரஸ் தலைவர் மல்லிகார்ஜுன கார்கே, முன்னாள் முதலமைச்சர் சித்தராமையா, காங்கிரஸ் பொதுச் செயலாளர்கள் கே.சி. வேணுகோபால், ரந்தீப் சிங் சுர்ஜேவாலா உள்ளிட்ட மூத்த தலைவர்கள் பங்கேற்றனர்.

இதையும் படிங்க : ‘போராடுவேன் அல்லது உயிரிழப்பேன்’.. கொல்கத்தாவில் மம்தா பானர்ஜி பரபரப்பு பேச்சு