ஷாருக் கான் மகன் கைது.. மனம் வருந்திய நடிகை!

Rhea on Aryan’s Arrest : ஆர்யன் கான் கைது தன்னை மிகவும் காயப்படுத்தியதாக நடிகை ரியா தெரிவித்துள்ளார்.

ஆர்யன் கான், ரியா சக்கரபோர்த்தி

ByThilahavathy P

Published on: June 2, 2026 at 7:51 pm

மும்பை, ஜூன் 2, 2026: பாலிவுட் நடிகை ரியா சக்ரபோர்த்தி, ஆர்யன் கான் கைது சம்பவம் தனது சகோதரர் ஷோவிக் கைது நினைவுகளை மீண்டும் எழுப்பியதாகக் கூறியுள்ளார். இது அவருக்கு மிகவும் வேதனையான அனுபவமாக இருந்ததாகவும், சிறையில் இருந்த காலம் தன்னுடைய வாழ்க்கையை முற்றிலும் மாற்றியதாகவும் தெரிவித்துள்ளார்.

ரியா சக்ரபோர்த்தி, சுஷாந்த் சிங் ராஜ்புத் மரணத்துக்குப் பிந்தைய வழக்கில் கடுமையான பொதுமக்கள் விமர்சனத்தையும் சட்ட சிக்கல்களையும் எதிர்கொண்டார். பின்னர் சிபிஐ விசாரணையில் குற்றச்சாட்டுகள் நீக்கப்பட்டு, தனது வாழ்க்கையை மீண்டும் கட்டியெழுப்பும் முயற்சியில் ஈடுபட்டார்.

அதே காலகட்டத்தில் ஷாருக் கானின் மகன் ஆர்யன் கான், நார்கோடிக்ஸ் கண்ட்ரோல் பியூரோ (போதைப் பொருள் தடுப்பு பிரிவு) மூலம் கைது செய்யப்பட்ட சம்பவம், ரியாவுக்கு தனது சகோதரர் ஷோவிக் கைது நினைவுகளை மீண்டும் எழுப்பியுள்ளது.

இது குறித்து பேசிய அவர், ரியா, ஆர்யன் கானின் வழக்கு தனது சகோதரர் ஷோவிக் அனுபவத்துடன் மிகவும் ஒத்ததாக இருந்ததாகக் கூறினார். “அவரது நிலையைப் பார்த்தபோது, அது என்னை மீண்டும் அந்த காலத்திற்கு அழைத்துச் சென்றது. அது என் கதையை விட, ஷோவிக்கின் கதையைப் போலவே இருந்தது. அவர்களுக்குள் கூட ஒற்றுமை உள்ளது. அதை பார்க்க மிகவும் கடினமாக இருந்தது” என அவர் தெரிவித்தார்.

இதற்கிடையில், சிறையில் இருந்த காலத்தைப் பற்றி ரியா, “சிறையில் இருப்பதின் மிகக் கடினமான பகுதி, நீங்கள் சமூகத்தின் ஒரு பகுதியாக இல்லாமல் போகிறீர்கள் என்பதே. நீங்கள் ஒரு எண் மட்டுமே. உங்கள் சுயமரியாதை முற்றிலும் சிதைக்கப்படுகிறது. குடும்பத்திலிருந்து பிரிந்து, சுதந்திரம் குறித்த நிச்சயமின்மையில் வாழ்வது மிகவும் சவாலானது” என கூறினார். மேலும், அவர் கவலை, துக்கம், கோபம் போன்ற மனஅழுத்தங்களை அனுபவித்ததாகவும், இன்னும் சில நேரங்களில் அவை மீண்டும் தோன்றுவதாகவும் ஒப்புக்கொண்டார்.

இதையும் படிங்க : ‘பெத்தி’ என் திரைப்பயணத்தின் மிகப்பெரிய சவால்…ராம் சரண்