ராஜ்யசபா இடைத்தேர்தல்.. சி.வி சண்முகம் இடத்தில் யார்?

Rajya Sabha Bypoll: அ.தி.மு.க. முன்னாள் அமைச்சர் சி.வி. சண்முகம் மாநிலங்களவை உறுப்பினர் பதவியை ராஜினாமா செய்ததையடுத்து ஏற்பட்ட காலியிடத்துக்கான இடைத்தேர்தல் ஜூன் 18-ஆம் தேதி நடைபெறுகிறது.

ராஜ்யசபா இடைத்தேர்தல் தேதி அறிவிப்பு

BySaranya JK

Published on: June 2, 2026 at 5:26 pm

Updated on: June 2, 2026 at 6:17 pm

சென்னை, ஜுன் 2 2026: தமிழகத்தில் காலியாக உள்ள ஒரு மாநிலங்களவை (ராஜ்யசபா) உறுப்பினர் பதவிக்கான இடைத்தேர்தல் ஜூன் 18-ஆம் தேதி நடைபெறும் என்று தேர்தல் நடத்தும் அலுவலர் பி. தேன்மொழி அறிவித்துள்ளார்.

அ.தி.மு.க.வைச் சேர்ந்த சி.வி. சண்முகம், கடந்த ஏப்ரல் 23-ஆம் தேதி நடைபெற்ற சட்டப்பேரவைத் தேர்தலில் மயிலம் தொகுதியில் வெற்றி பெற்றதைத் தொடர்ந்து, மாநிலங்களவை உறுப்பினர் பதவியை மே 7-ஆம் தேதி ராஜினாமா செய்ததால், இந்த இடைத்தேர்தல் நடைபெறுகிறது.

வேட்புமனு தாக்கல்

வேட்புமனுக்களை சட்டப்பேரவை செயலகத்தின் கூடுதல் செயலாளரும் தேர்தல் நடத்தும் அலுவலருமான பி. தேன்மொழி அல்லது இணை செயலாளரும் உதவி தேர்தல் நடத்தும் அலுவலருமான பேர்லின் ரூப்குமார் ஆகியோரிடம் சமர்ப்பிக்கலாம். ஜூன் 7ஆம் தேதி ஞாயிற்றுக்கிழமை தவிர, ஜூன் 8ஆம் தேதி வரை காலை 11 மணி முதல் மதியம் 3 மணி வரை வேட்புமனுக்கள் தாக்கல் செய்யலாம்.

தாக்கல் செய்யப்படும் வேட்புமனுக்கள் ஜூன் 9-ஆம் தேதி காலை 11 மணிக்கு பரிசீலனை செய்யப்படும். வேட்புமனு திரும்பப் பெறுவதற்கான கடைசி நாள் ஜூன் 11-ஆம் தேதி பிற்பகல் 3 மணி ஆகும். வேட்புமனு திரும்பப் பெறும் காலக்கெடு முடிந்த பின்னரும் போட்டி நிலவினால்,ஜூன் 18ஆம் தேதி காலை 9 மணி முதல் மாலை 4 மணி வரை சட்டமன்றச் செயலாளரகத்தில் வாக்குப்பதிவு நடைபெறும் என்று தெரிவிக்கப்பட்டுள்ளது

இதையும் படிங்க: 1800 அரசு பள்ளிகளில் தலைமை ஆசிரியர்கள் இல்லை.. அன்புமணி குற்றச்சாட்டு