ஷீலா தீட்ஷித் முதல் அதிஷி வரை: டெல்லி முதலமைச்சர்களின் கல்வித் தகுதி தெரியுமா?

New Delhi | அரவிந்த் கெஜ்ரிவால் தனது பதவியை ராஜினாமா செய்த பின், அத்திஷி மார்லேனா டெல்லியின் புதிய முதல்வராக நியமிக்கப்பட்டுள்ளார். இந்த மாற்றங்களுக்கிடையில், டெல்லி முதல்வர்களின் கல்வித்தகுதி பற்றிய தகவல்கள் இணையத்தில் பரவி வருகின்றன.

மதன் லால் குரானா (1993-1996)

“டெல்லி கா ஷேர்“ என்று அன்புடன் அழைக்கப்படும் மதன் லால் குரானா, கிரோரி மால் கல்லூரியில் பட்டம் பெற்றார். மேலும், அலஹாபாத் பல்கலைக்கழகத்தில் வரலாற்றில் முதுகலைப் பட்டம் பெற்றுள்ளார். தனது கல்வி காலத்தில், அரசியல் பயணத்தை ஆரம்பித்து, 1959-ஆம் ஆண்டில் அலஹாபாத் மாணவர் சங்கத்தின் பொதுச் செயலாளராக தேர்வு செய்யப்பட்டார்.

சாஹிப் சிங் வர்மா (1996-1998)

சாஹிப் சிங் வர்மா 1943 மார்ச் 15-ஆம் தேதி, டெல்லி அருகிலுள்ள முந்த்கா கிராமத்தில் விவசாய குடும்பத்தில் பிறந்தார். அவர் அலிகர் முஸ்லிம் பல்கலைக்கழகத்தில் நூலகவியல் துறையில் பட்டம் பெற்றுள்ளார்.

சுஷ்மா சுவராஜ் (அக். 12, 1998 – டிச. 3, 1998 )

சுஷ்மா சுவராஜ் அம்பாலா காந்தில் அமைந்துள்ள னாதன் தர்மா கல்லூரியில் சமஸ்கிருதம் மற்றும் அரசியல் அறிவியலில் பட்டம் பெற்றார். பஞ்சாப் பல்கலைக்கழகத்தில் சட்டம் பயின்றார்.

ஷீலா தீட்சித் (டிச. 3, 1998 – டிச. 28, 2013)

ஷீலா தீட்சித் தனது ஆரம்பக் கல்வியை டெல்லியில் உள்ள ஜீசஸ் அன்டு மேரி பள்ளியில் பெற்றார். பின்னர், அவர் டெல்லி பல்கலைக்கழகத்தின் மிராண்டா ஹவுஸ் கல்லூரியில் முதுகலைப் பட்டம் முடித்தார்.

அரவிந்த் கெஜ்ரிவால் (டிச. 28, 2013 – செப். 15, 2024)

அரவிந்த் கெஜ்ரிவால் நாட்டின் நன்கு படித்த முதல்வர்களில் ஒருவராக கருதப்படுகிறார். ஹரியானாவின் சிவானி மாவட்டத்தில் பிறந்த அவர், தனது ஆரம்பக் கல்வியை மிஷனரி பள்ளிகளில் முடித்தார். சிறுவயதிலிருந்தே கல்வியில் மிகுந்த ஆர்வம் உடைய அவர், கான்பூரில் உள்ள இந்திய தொழில்நுட்ப நிறுவனத்தில் மெக்கானிக்கல் இன்ஜினியரிங்கில் இளங்கலை பட்டம் பெற்றார்.

அதிஷி மார்லேனா (செப். 15, 2024 முதல்)

அதிஷி மார்லேனா தனது பள்ளிக் கல்வியை டெல்லியில் உள்ள ஸ்பிரிங்டேல்ஸ் பள்ளியில் முடித்தார். பின்னர், செயின்ட் ஸ்டீபன் கல்லூரியில் வரலாற்றில் முதுகலைப் பட்டம் பெற்றார். தொடர்ந்து, செவனிங் உதவித்தொகை பெற்று ஆக்ஸ்போர்ட் பல்கலைக்கழகத்தில் முதுகலைப் பட்டம் பெற்றார்.

இதையும் படிங்க : அரவிந்த் கெஜ்ரிவால் திடீர் ராஜினாமா; புதிய முதல்வர் தேர்வு: யார் இந்த அதிஷி?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்