கத்ரா வைஷ்ணவோ தேவி கோவிலுக்கு சிறப்பு ரயில்கள்: நேரம், தேதி செக் பண்ணுங்க!

Jammu and Kashmir | Special trains | ஜம்மு காஷ்மீர் கத்ராவில் உள்ள ஸ்ரீ மாதா வைஷ்ணோ தேவி கோவிலுக்கு புது டெல்லி மற்றும் வாரணாசி இடையே இரண்டு சிறப்பு ரயில்கள் இயக்கப்பட உள்ளன.

அதன்படி, ரயில் எண் 04076 ஸ்ரீ மாதா வைஷ்ணோ தேவி கத்ரா மற்றும் புது டெல்லி இடையே வாரம் இருமுறை இயக்கப்படும். இது, புதுடெல்லியிலிருந்து புதன் மற்றும் ஞாயிறுகளில் 23:45 மணிக்குப் புறப்பட்டு மறுநாள் 11:40 மணிக்கு கத்ராவைச் சென்றடையும்.
தொடர்ந்து, ஒவ்வொரு திங்கள் மற்றும் வியாழக்கிழமைகளில் 21:20 மணிக்கு கத்ராவிலிருந்து புறப்பட்டு, மறுநாள் 9:30 மணிக்கு புதுடெல்லி ரயில் நிலையத்தை வந்தடையும்.

மற்றொரு ரயில், எண் 04624-04623, ஸ்ரீ மாதா வைஷ்ணோ தேவி கத்ரா மற்றும் வாரணாசி இடையே வாரம் ஒருமுறை இரு திசைகளிலும் இயக்கப்படும். ஒவ்வொரு ஞாயிற்றுக்கிழமையும் பிற்பகல் 23:45 மணிக்கு கத்ராவிலிருந்து புறப்பட்டு மறுநாள் மதியம் 23:55 மணிக்கு வாரணாசி ரயில் நிலையத்தை சென்றடையும்.
தொடர்ந்து, செவ்வாய்கிழமை காலை 05:30 மணிக்கு வாரணாசி ரயில் நிலையத்தில் இருந்து புறப்பட்டு மறுநாள் காலை 11:25 மணிக்கு கத்ரா ரயில் நிலையத்தை சென்றடையும்.

இந்த சிறப்பு ரயில்கள் அக். 6 முதல் நவ. 18 வரை புதுடெல்லி மார்க்கத்திலும், அக். 6 முதல் நவ. 19 வரை வாரணாசி வழித்தடத்திலும் இயக்கப்படும்.
ரயிலுக்கான கட்டணம் ரூ.95 முதல் ரூ.1820 வரை இருக்கும். மேலும், 3A இல் பெரியவர்களுக்கு ரூ 965 (ரூ 505 குழந்தைகள்), ஸ்லீப்பரில் ரூ 355 (குழந்தைகளுக்கு ரூ 190) என நிர்ணயிக்கப்பட்டு உள்ளது.

இதமான வானிலைக்கு மத்தியில் ஸ்ரீ மாதா வைஷ்ணோ தேவியை பக்தர்கள் தொடர்ந்து தரிசித்து வருவதால் இந்த அறிவிப்பு வந்துள்ளது குறிப்பிடத்தக்கது.

இதையும் படிங்க : ‘ஜம்மு காஷ்மீரில் இறுதி மூச்சை இழுக்கும் பயங்கரவாதம்; வம்ச அரசியல்’: பிரதமர் மோடி

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்