333 நாட்கள் பிக்சட் டெபாசிட்; 8.15 வட்டி: இந்த வங்கியை செக் பண்ணுங்க!

Union Bank of India Fixed Deposit Rates | யூனியன் வங்கி குறைந்த வைப்புத் தொகையில் 8.15 சதவீதம் வரை வட்டி வழங்கும் எஃப்டி திட்டத்தை அறிவித்துள்ளது. இந்த எஃப்டி திட்டத்தின் கீழ் குறைந்தபட்சம் ரூ. 1,000 முதல் அதிகபட்சமாக ரூ. 3 கோடி வரை வைப்பு செய்யலாம்.

பொதுவாக எஃப்டி திட்டத்தில் பணத்தை சேமிக்கும் போது வட்டி விகிதத்தை கணக்கில் கொள்வது அவசியம். ஏனெனில், குறைந்த கால டெபாசிட்டுகளுக்கு குறைந்த வட்டியும், நீண்ட கால டெபாசிட்டுகளுக்கு அதிக வட்டியும் வழங்கப்படுகிறது. அதாவது, 5 ஆண்டு கால டெபாசிட்டுகளுக்கு வழங்கப்படும் வட்டி விகிதம் ஒரு ஆண்டு கால டெபாசிட்டுகளுக்கு வழங்கப்படும் வட்டி விகிதத்தைவிட அதிகமாக இருக்கும்.

அதனால், எஃப்டியில் பணத்தை டெபாசிட் செய்ய விரும்பினால், அதன் கால அளவு மற்றும் வட்டி விகிதம் ஆகியவற்றை பரிசீலித்து முதலீடு செய்வது அவசியம். யூனியன் வங்கி, “யூனியன் சும்விருதி” எனப்படும் புதிய எஃப்டி திட்டத்தை அறிமுகம் செய்துள்ளது. இந்த திட்டத்தில், 333 நாட்களுக்கான எஃப்.டி க்கு அதிகபட்சமாக 8.15% வட்டி வழங்கப்படுகிறது.

இந்த ஃபிக்ஸட் டெபாசிட் திட்டத்திற்கான குறைந்தபட்ச வைப்பு தொகை ரூ. 1,000 ஆகும். மேலும் அதிகபட்ச வைப்பு தொகை ரூ. 3 கோடி வரை ஆகும். பொதுமக்களுக்கு 7.4% வட்டியும், மூத்த குடிமக்களுக்கு 7.90% வட்டியும், மிக மூத்த குடிமக்களுக்கு 8.15% வட்டி வழங்கப்படுகிறது. இத்திட்டத்தைப் பயன்படுத்தி, நீங்கள் விரும்பும் கால அளவுக்கு உடனடியாக அதிக வட்டி பெறும் வாய்ப்புகளைப் பெறலாம்.

இந்த எஃப்டி திட்டத்தில் வட்டி நான்கு மாதங்களுக்கு ஒருமுறை கணக்கீடு செய்யப்படும், மேலும் இதன் வட்டி ஆண்டுக்கு இரண்டு முறை வைப்பு கணக்கில் சேர்க்கப்படும். எஃப்டி இன் வட்டி, முதன்மை தொகையுடன் சேர்த்து திட்டத்தின் முதிர்ச்சி காலத்தின் போது கிடைக்கும்.

ஃபிக்ஸட் டெபாசிட்களை முன்கூட்டியே மூடும் பட்சத்தில், டெபாசிட் தொகை வங்கியில் இருந்த காலம் மற்றும் ஒப்பந்த திட்டத்தை பொருத்து பொருந்தக்கூடிய விகிதத்தை விட 1 சதவீதம் குறைவாக வட்டி வழங்கப்படும்.

இதையும் படிங்க :  4 ஆண்டுகளில் ரூ.10,000 SIP ₹.8.51 லட்சமாக உயர்வு: இந்த மியூச்சுவல் ஃபண்டு தெரியுமா?

.திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்