நடிகர் விஜய் உடன் கூட்டணியா? மனம் திறந்த அண்ணாமலை!

Annamalai Responds to Vijay Alliance Question: நடிகர் விஜயின் தமிழக வெற்றிக் கழகத்துடன் கூட்டணியா? என்ற கேள்விக்கு தமிழக பா.ஜ.க. முன்னாள் மாநிலத் தலைவர் கு. அண்ணாமலை பதிலளித்துள்ளார்.

தமிழக பா.ஜ.க முன்னாள் தலைவர் கு. அண்ணாமலை

BySaranya JK

Published on: March 16, 2026 at 6:13 pm

சென்னை, மார்ச் 16, 2026: நடிகர் விஜயின் தமிழக வெற்றிக் கழகம் கட்சியுடன் கூட்டணியா? என்ற கேள்விக்கு தமிழக பா.ஜ.க முன்னாள் மாநிலத் தலைவர் கு. அண்ணாமலை பதிலளித்தார். செய்தியாளரின் இதுதொடர்பான கேள்விக்கு பதிலளித்த அவர், “விஜயுடனான கூட்டணி விவகாரத்தைப் பொறுத்தவரை யாரும் பேச்சுவார்த்தை நடத்தவில்லை என எடப்பாடி கூறியுள்ளார். அதுதான் இறுதி கருத்து. அவர்தான் முதல்வர் வேட்பாளர்; அவரது கருத்துதான் இறுதி கருத்து” என்றார்.

கரூர் ஆட்சியாளரை மாற்ற கோரிக்கை

முன்னதாக தமிழக பா.ஜ.க முன்னாள் மாநிலத் தலைவர் கு. அண்ணாமலை, “கரூர் மாவட்ட ஆட்சியரை மாற்ற வேண்டும்” என்றார். இது குறித்து பேசிய அவர், “திமுகவிற்கு ஆதரவாக கடந்த 5 ஆண்டுகளாக செயல்பட்டு வரும் கரூர் ஆட்சியர் மற்றும் எஸ்பியை மாற்ற வேண்டும்” என்றார்.

மேலும், “அதிமுக உறுப்பினர்கள் பலர் மீது பொய் வழக்குகளை போட்டு சிறைக்கு அனுப்பி இருக்கிறார்கள்; பாஜக தொண்டர்களுக்கு தொந்தரவு கொடுத்திருக்கிறார்கள்” எனவும் அண்ணாமலை குற்றஞ்சாட்டினார்.

தமிழக சட்டமன்ற தேர்தல்

தமிழக சட்டமன்ற தேர்தலில் ஏப்ரல் 23ஆம் தேதி வாக்குப்பதிவு நடைபெறுகிறது. இதில் பதிவான வாக்குகள் மே4ஆம் தேதி எண்ணப்பட்டு அன்றைய தினமே முடிவுகள் அறிவிக்கப்பட உள்ளன.

இதையும் படிங்க: திமுக தோல்விக்கு பாஜக காரணம்.. டி.கே.எஸ் இளங்கோவன் ஃபிளாஷ்பேக்!