ஐ டி அலுவலகம் அனுப்பிய தவறான தகவல்கள்.. வரி செலுத்தும் நபர்கள் ஷாக்!

I-T Dept: வருமான வரித்துறை தவறாக வரி செலுத்துநர்களின் விவரங்களை மின்னஞ்சல் மூலம் அனுப்பியதுடன், பின்னர் ஏற்பட்ட கோளாறு குறித்து விளக்கம் அளித்தது.

வருமான வரித்துறை

BySaranya JK

Published on: March 15, 2026 at 11:29 am

சென்னை, மார்ச் 15, 2026; வருமான வரித்துறை தவறாக வரி செலுத்துநர்களின் விவரங்களை மின்னஞ்சல் மூலம் அனுப்பியதுடன், பின்னர் ஏற்பட்ட கோளாறு குறித்து விளக்கம் அளித்தது. வரி செலுத்துநர்கள் தங்களது பரிவர்த்தனை விவரங்களை தனித்தனியாக சரிபார்க்க, e-Filing போர்டல் வழியாக அணுகக்கூடிய Compliance Portal இல் உள்ள e-Campaign தாவலைப் பயன்படுத்துமாறு அறிவுறுத்தப்பட்டுள்ளனர்.

வருமான வரித்துறை, 2026–27 மதிப்பீட்டு ஆண்டுக்கான (2025–26 நிதியாண்டு) முன்னுரிமை வரி e-கேம்பெயின் நடவடிக்கையின் போது, வரி செலுத்துநர்களின் முக்கிய பரிவர்த்தனைகள் குறித்த தவறான விவரங்களை அனுப்பி உள்ளது.

இந்த நிலையில், நேற்று (சனிக்கிழமை), பல வரி செலுத்துநர்கள் தவறான தகவல்களுடன் மின்னஞ்சல்கள் வந்ததாக புகார் அளித்ததைத் தொடர்ந்து, துறை அதிகாரப்பூர்வ விளக்கத்தை வெளியிட்டது. அது ஏற்பட்ட பிழையை ஒப்புக்கொண்டு, அதைத் தெரிவித்த வரி செலுத்துநர்களுக்கு நன்றி தெரிவித்ததுடன், ஏற்பட்ட சிரமத்திற்கு வருத்தம் தெரிவித்தது.

இது குறித்து, அதிகாரப்பூர்வ அறிக்கையில், இந்த பிரச்சினையைத் தீர்க்க துறை தனது சேவை வழங்குநருடன் தீவிரமாக பணியாற்றி வருவதாகவும், பிரச்சினை தீரும் வரை வரி செலுத்துநர்கள் முன்பு அனுப்பப்பட்ட மின்னஞ்சல் தகவல்களை புறக்கணித்து விடுங்கள்” என தெரிவிக்கப்பட்டிருந்தது.

இதையும் படிங்க; மியூச்சுவல் ஃபண்ட் ‘இன்ட்ரா டே’ வணிகம்.. செபி சுற்றறிக்கை!