ஆரம்பத்திலே நடந்தது மகிழ்ச்சி.. தென் ஆப்பிரிக்கா உடன் தோல்வி.. ரவி சாஸ்திரி கருத்து

Ravi Shastri: தென் ஆப்ரிக்கா அணியுடனான இந்திய அணியின் தோல்வி பெரும் அதிர்ச்சியை ஏற்படுத்திய நிலையில், இது ஆரம்பத்தில் நடந்தது நல்லதுதான் என்கிறார் ரவி சாஸ்திரி.

இந்திய கிரிக்கெட் அணியின் முன்னாள் பயிற்சியாளர் ரவி சாஸ்திரி

ByPunitha Rajesh

Published on: February 24, 2026 at 3:38 pm

புதுடெல்லி, பிப்.24, 2026: டி-20 உலகக் கோப்பை போட்டியில் தென் ஆப்ரிக்கா அணிக்கு எதிரான ஆட்டத்தில் இந்திய அணி தோல்வியை சந்தித்தது. இந்த நிலையில், இந்திய கிரிக்கெட் அணியின் முன்னாள் கேப்டன் ரவி சாஸ்திரி, இந்த விவகாரத்தில் இந்திய கிரிக்கெட் அணியை விமர்சித்துள்ளார்.

இது குறித்து அவர், “இது ஆரம்பத்திலேயே நடந்தது எனக்கு மகிழ்ச்சி. அரையிறுதிக்கு செல்லும் அணியை எதிர்த்து நடந்ததால், இது இந்தியாவுக்கு தேவையான அதிர்ச்சி. இது அவர்களை தங்கள் தந்திரத்தையும் அணியின் அமைப்பையும் மறுபரிசீலனை செய்யத் தூண்டும். அவர்கள் மீண்டும் எழுந்து நிற்பார்கள். அந்த அனுபவத்திலிருந்து கற்றுக்கொள்வார்கள், எதையும் எளிதாக எடுத்துக்கொள்ளமாட்டார்கள். சூப்பர் 8-இல் இன்னொரு போட்டியை இழந்தால், நீங்கள் உங்களை கடுமையான அழுத்தத்தில் தள்ளுகிறீர்கள் என்பதை மனதில் வைத்துக் கொள்ளுங்கள்” என்றார்.

இதையும் படிங்க: ATP 500 Rio Open.. அர்ஜென்டினா எட்செவெர்ரி முதல்முறை சாம்பியன்!

மேலும், தென்னாப்பிரிக்காவுக்கு எதிரான போட்டியில் துணை கேப்டன் அக்‌ஷர் படேலை விட வாஷிங்டன் சுந்தரை முன்னுரிமையுடன் தேர்வு செய்த விவாதத்திலும் சாஸ்திரி தனது கருத்து தெரிவித்தார்.
இது குறித்து அவர், “இந்தியா இதை தந்திர ரீதியான முடிவு என விளக்கியது; ஜிம்பாப்வேக்கு எதிரான போட்டியில் (அவர்களின் முதல் ஏழு பேட்ஸ்மேன்களில் ஐவர் வலதுகை வீரர்கள்) அக்‌ஷர் திரும்புவார் என எதிர்பார்க்கப்படுகிறது. அந்த வகையில் இருவரையும் (அக்‌ஷர், சுந்தர்) சேர்த்து விளையாடச் செய்யலாம்” என்றார்.

தொடர்ந்து, “அவரை மீண்டும் கொண்டு வர வேண்டும். அந்த அனுபவம் தேவை. இருவரையும் விளையாடச் செய்யுங்கள், உங்களுக்கு கூடுதல் விருப்பம் கிடைக்கும். ஏனெனில் எந்த நாளிலும் ஒரு பந்துவீச்சாளர் மோசமாக விளையாட வாய்ப்பு உள்ளது. உதாரணமாக, வருண் சக்ரவர்த்தி நேற்று சிறந்த நிலையில் இல்லை, அதற்காக விலை கொடுத்தார். அதனால் உங்களுக்கு அந்த ‘பேக்கப்’ தேவை.” என்றார்.

இதையும் படிங்க: கர்நாடகா vs ஜம்மு காஷ்மீர்.. 88 ரன்னில் அவுட் ஆன ஹாசன்