மார்ச் 11-ல் திருச்சி வருகிறார் பிரதமர் நரேந்திர மோடி.. முழு விவரம்!

Narendra Modi: பிரதமர் நரேந்திர மோடி மார்ச் மாதம் 11ஆம் தேதி திருச்சி மாநகர் வருகிறார் என்ற தகவல் வெளியாகியுள்ளது.

பிரதமர் நரேந்திர மோடி

ByPushpa Gopinath

Published on: February 20, 2026 at 10:33 am

சென்னை பிப்ரவரி 20, 2026; பிரதமர் நரேந்திர மோடி மார்ச் மாதம் 11ஆம் தேதி, திருச்சி வருகிறார் என்ற தகவல் வெளியாகி உள்ளது. இது தொடர்பாக, பாரதிய ஜனதா கட்சியின் மாநில பொதுச் செயலாளர் கருப்பு முருகானந்தம் கூறுகையில், “மார்ச் 11 அன்று பிரதமர் நரேந்திர மோடி திருச்சிக்கு வருகிறார். இது தமிழ்நாட்டின் பல்வேறு பகுதிகளை உள்ளடக்கிய அவரது பிராந்திய சுற்றுப்பயணத்தின் ஒரு பகுதியாகும்” என்றார்.

முன்னதாக, முருகானந்தம், பிரதமரின் வருகைக்கு முன்னதாக திருச்சியில் மூன்று இடங்களை ஆய்வு செய்தார். அவர் கூறியதாவது, மோடியின் சுற்றுப்பயணத்தின் முதல் கட்டம் முக்கிய பகுதிகளை உள்ளடக்கும். அதன்படி, மார்ச் 1 அன்று மதுரை மற்றும் மார்ச் 7 அன்று வேலூர் ஆகிய இடங்களுக்கு பிரதமர் வருகை தருகிறார்.

இதையும் படிங்க; தமிழ்நாடு உள்பட.. ராஜ்யசபா தேர்தல் அறிவிப்பு.. ஒய்வு பெறும் முக்கிய தலைகள் யார்?

தொடர்ந்து, பாரதிய ஜனதா கட்சியின் மாநில பொதுச் செயலாளர் கருப்பு முருகானந்தம் செய்தியாளர்களிடம் கூறுகையில், “பிரதமர் நரேந்திர மோடியின் தமிழ்நாடு சுற்றுப்பயணத்திற்கான தயாரிப்புகள் வேகமாக நடைபெற்று வருகின்றன. தற்போது, மதுரை வருகைக்கான ஏற்பாடுகளுக்கு முன்னுரிமை அளிக்கப்பட்டுள்ளது.

இந்த சுற்றுப்பயணத்தின் முதல் கட்டம் மூன்று முக்கிய பகுதிகளை உள்ளடக்கியது. அந்த இடங்கள் மதுரை, வேலூர், திருச்சி ஆகும். மேலும், இது வரவிருக்கும் சட்டமன்றத் தேர்தலுக்கான கட்சியின் திட்டத்தின் ஒரு பகுதியாகும்” எனவும் அவர் தெரிவித்தார்.

இதையும் படிங்க; குடும்பத்தோடு இந்தியா வாருங்கள் தாரிக் ரஹ்மான்.. பிரதமர் மோடி அழைப்பு!