நடிகை கேத்ரின் ஓ’ஹாரா மரணம்.. உலகம் முழுக்க ரசிகர்கள் இரங்கல்!

Catherine O Hara dies: மூத்த ஹாலிவுட் நடிகை கேத்ரின் ஓ’ஹாரா தனது 71வது வயதில் உயிரிழந்தார். அவருக்கு உலகெங்கிலும் இருந்து ரசிகர்கள் இரங்கல் தெரிவித்து வருகின்றனர்.

ஹாலிவுட் நடிகை கேத்ரின் ஓ’ஹாரா

ByAkila Ramakrishnan

Published on: January 31, 2026 at 2:56 pm

லண்டன், ஜன.31, 2026: ஹாலிவுட் நடிகை கேத்ரின் ஓ’ஹாரா (71) ஜனவரி 30 அன்று மறைந்தார். அவரது மறைவு உலகம் முழுவதும் கோடிக்கணக்கான ரசிகர்களை அதிர்ச்சியில் ஆழ்த்தியுள்ளது.
1990-இல், மக்காலே கல்கின் மற்றும் அவரது தாய் கேத்ரின் ஓ’ஹாரா இணைந்து நடித்த Home Alone கிறிஸ்துமஸ் நகைச்சுவை திரைப்படம் உலகம் முழுவதும் ரசிகர்களை கவர்ந்தது.
இரண்டு ஆண்டுகளுக்குப் பிறகு, அவர்கள் மீண்டும் Home Alone 2: Lost in New York (1992) படத்தில் ஒன்றிணைந்தனர்.

கேத்ரின் ஓ’ஹாரா மறைவுக்கு பின், மக்காலே கல்கின் தனது உணர்ச்சிபூர்வமான பதிவில், “நமக்குக் காலம் இருக்கிறது என்று நினைத்தேன். இன்னும் நிறைய சொல்ல வேண்டும். நான் உன்னை நேசிக்கிறேன். பிறகு சந்திப்போம்.” எனத் தெரிவித்துள்ளார்.
மேலும், அவர்களது பல வருடங்களாக இருந்த பாசமான உறவை வெளிப்படுத்தும் புகைப்படங்களையும் பகிர்ந்தார். இந்நிலையில், Schitt’s Creek தொடரில் கேத்ரின் நடித்த மோயிரா ரோஸ் கதாபாத்திரத்துடன் இணைந்து நடித்த டான் லெவி, தனது மனமுருகிய இரங்கல் குறிப்பில், ““கேத்ரின் ஓ’ஹாராவுடன் பணியாற்றிய அனுபவம் என் வாழ்வின் மிகப்பெரிய பரிசு. அவள் இல்லாத உலகை கற்பனை செய்வது கடினம்.” எனக் குறிப்பிட்டுள்ளார்.

கேத்ரின் ஓ’ஹாரா தனது நகைச்சுவை திறமையாலும், மனதை வருடும் நடிப்பாலும் ரசிகர்களின் மனதில் என்றும் நிலைத்திருப்பார். அவரது மறைவு ஹாலிவுட் உலகிற்கு ஒரு பெரிய இழப்பாகும்.

இதையும் படிங்க: பிரபல நடிகை கணவருக்கு கத்திக் குத்து.. போலீஸ் விசாரணை!