2013ல் திடீர் மாயம்.. 2015ல் திருமணம்- விவாகரத்து.. யார் இந்த பெண் மருத்துவர் ஷாஹீன் ஷாஹீத்?

Who is Shaheen Shaheed: டெல்லி செங்கோட்டை கார் குண்டு வெடிப்பில் கைது செய்யப்பட்டுள்ள பெண் மருத்துவர் ஷாஹீன் ஷாஹீத் குறித்து பல அதிர்ச்சிகர தகவல்கள் வெளியாகியுள்ளன.

டெல்லி செங்கோட்டை கார் வெடிப்பு வழக்கில் கைது செய்யப்பட்டுள்ள பெண் மருத்துவர் ஷாஹீன் ஷாஹீத்

BySaranya JK

Published on: November 12, 2025 at 10:12 pm

புதுடெல்லி, நவ.12, 2025: உத்தரப் பிரதேச மாநிலம் ஃபரிதாபாத்தில் பயங்கரவாத வழக்கு தொடர்பாக கைது செய்யப்பட்ட பெண் மருத்துவர் ஷாஹீன் ஷாஹீத், மசூத் அசார் தலைமையிலான ஜெய்ஷ்-இ-முகமது (JeM) அமைப்பின் இந்திய பெண்கள் பிரிவை நிறுவவும் வழிநடத்தவும் நியமிக்கப்பட்டதாகக் கூறப்படுகிறது. இந்தத் தகவல் பெரும் அதிர்ச்சியை ஏற்படுத்தியுள்ளது.

லக்னோவைச் சேர்ந்த மருத்துவரான ஷாஹீன், பாகிஸ்தானை தளமாகக் கொண்ட பயங்கரவாத அமைப்பின் பெண்கள் படைப்பிரிவான ‘ஜமாத்-உல்-மோமினீன்’ என்ற பதாகையின் கீழ் பெண் ஆட்சேர்ப்பு மற்றும் செயல்பாட்டு வலையமைப்பை உருவாக்கும் பணியில் ஈடுபட்டதாக ஆரம்ப விசாரணையில் தெரியவந்துள்ளது.

மேலும், பாகிஸ்தானில் உள்ள பெண்கள் பிரிவின் தலைவரும், ஜெய்ஷ் இ முகமது நிறுவனர் மசூத் அசாரின் சகோதரியுமான சாதியா அசார், இந்தப் பணியை அவரிடம் ஒப்படைத்திருக்கலாம் என்று வட்டாரங்கள் தெரிவிக்கின்றன.

யார் இந்த பெண் மருத்துவர்?

கல்லூரி முதல்வரின் கூற்றுப்படி, ஷாஹீன் 2006 இல் கான்பூரில் உள்ள ஜி.எஸ்.வி.எம் (GSVM) மருத்துவக் கல்லூரியில் சேர்ந்தார். 2009 இல் ஆறு மாதங்கள் கன்னோஜ் மருத்துவக் கல்லூரிக்கு மாற்றப்படுவதற்கு முன்பு அவர் அங்கு சிறிது காலம் பணியாற்றினார்.

கல்லூரி பதிவுகளின்படி, ஷாஹீன் 2013 இல் நிர்வாகத்திற்குத் தெரிவிக்காமல் அங்கீகரிக்கப்படாத விடுப்பில் சென்றார். பலமுறை அறிவிப்புகள் வந்த போதிலும், அவர் ஒருபோதும் பதிலளிக்கவில்லை. இறுதியில், 2021 இல், மாநில அரசு அவரது சேவைகளை நிறுத்தியது.

ஷாஹீன் ஜாபர் ஹயாத் என்ற நபரை மணந்தார், ஆனால் ஒரு தகராறு காரணமாக 2015 இல் விவாகரத்து செய்தனர். பிரிந்த பிறகு, அவர் லக்னோவில் வசித்து வந்ததாக கூறப்படுகிறது.

பேராசிரியர் அதிர்ச்சி

டெல்லி செங்கோட்டை கார் வெடிப்பு வழக்கில் பெண் மருத்துவர் ஷாஹீன் கைது செய்யப்பட்ட சம்பவம் தனக்கு அதிர்ச்சி அளிப்பதாக மூத்த பேராசிரியர் ஒருவர் கூறினார்.
இது குறித்து பேசிய அவர், “குண்டுவெடிப்பு வழக்கில் ஷாஹீனின் பெயர் வந்ததில் இருந்து, இங்குள்ள அனைவரும் அதிர்ச்சியடைந்துள்ளனர். இவ்வளவு தீவிரமான விஷயத்தில் அவள் ஈடுபடுவாள் என்று யாரும் நினைத்துப் பார்த்ததில்லை” என்றார்.

இதையும் படிங்க : ஒயிட் காலர் பயங்கரவாதம்.. 2,900 கிலோ வெடிப்பொருள்.. பெண் டாக்டர் உள்பட 4 மருத்துவர்கள் கைது!