நவராத்திரி, தீபாவளி ஸ்பெஷல் ரயில்.. தென்னக ரயில்வே அறிவிப்பு

Southern Railway: நவராத்திரி மற்றும் தீபாவளி பண்டிகையை முன்னிட்டு தென்னக ரயில்வே சிறப்பு ரயில்களை அறிவித்துள்ளது.

தென்னக ரயில்வே

Southern Railways announces Diwali navrathri special trains

ByPushpa Gopinath

Published on: September 21, 2025 at 10:31 pm

Updated on: September 21, 2025 at 10:33 pm

புதுடெல்லி, செப் 21, 2025: நவராத்திரி, தீபாவளி, மற்றும் சத் பூஜை உள்ளிட்ட தொடர் பண்டிகை காலங்களை முன்னிட்டு ரயில்களில் பயணிகளின் கூட்ட நெரிசலைக் கருத்தில் கொண்டு, தென்னக ரயில்வே சில சிறப்பு ரயில்களை இயக்கவுள்ளது.

சிறப்பு ரயில்கள் குறித்து தென்னக ரயில்வே வெளியிட்டுள்ள அறிக்கையில் கூறியிருப்பதாவது,

போத்தனூர் – பராவுனி வாராந்திர எக்ஸ்பிரஸ் சிறப்பு ரயில் (06055)
இந்த ரயில் செப்டம்பர் 6 முதல் நவம்பர் 29 வரை சனிக்கிழமை தோறும் இயக்கப்படும். சனிக்கிழமைகளில் போத்தனூரில் இருந்து காலை 11:50 மணிக்கு புறப்பட்டு, மூன்றாவது நாள் பிற்பகல் 2:30 மணிக்கு பராவுனி சென்றடையும். மொத்தம் 13 சேவைகள் இயக்கப்படும்.
இந்த ரயிலின் பெட்டிகளில் ஒரு ஏசி டூ-டயர், மூன்று ஏசி த்ரீ-டயர், 17 ஸ்லீப்பர் வகுப்பு மற்றும் இரண்டு இரண்டாம் வகுப்பு பெட்டிகள் அடங்கும்.
இது ஈரோடு, சேலம், காட்பாடி மற்றும் பெரம்பூர் ஆகிய இடங்களில் நின்று செல்லும்.
பராவுனி – போத்தனூர் வாராந்திர எக்ஸ்பிரஸ் சிறப்பு ரயில் (06056)
மறுமார்க்கமாக,செவ்வாய்க் கிழமைகளில் இரவு 11:45 மணிக்கு பராவுனியில் இருந்து புறப்பட்டு, மூன்றாவது நாள் அதிகாலை 3:45 மணிக்கு போத்தனூர் வந்தடையும். செப்டம்பர் 9 முதல் டிசம்பர் 2 வரை இந்த ரயில் 13 சேவைகள் இயக்கப்படும்.
கோயம்புத்தூர் – தன்வாத் வாராந்திர எக்ஸ்பிரஸ் சிறப்பு ரயில் (06063)
செப்டம்பர் 5 முதல் வெள்ளிக்கிழமைகளில் இந்த ரயில் கோயம்புத்தூரில் இருந்து காலை 11:50 மணிக்கு புறப்பட்டு, மூன்றாவது நாள் காலை 8:30 மணிக்கு தன்வாத் சென்றடையும்.
நவம்பர் 28ஆம் தேதி வரை என வெள்ளிக்கிழமை தோறும் மொத்தம் 13 சேவைகள் இயக்கப்படும். இந்த ரயிலின் பெட்டிகளில் ஒரு ஏசி டூ-டயர், இரண்டு ஏசி த்ரீ-டயர், 15 ஸ்லீப்பர் வகுப்பு மற்றும் இரண்டு இரண்டாம் வகுப்பு பெட்டிகள் அடங்கும்.
தன்வாத் – கோயம்புத்தூர் வாராந்திர எக்ஸ்பிரஸ் சிறப்பு ரயில் (06064)
மறுமார்க்கமாக, செப்டம்பர் 8 முதல் டிசம்பர் 1 வரை திங்கள்கிழமைகளில் காலை 6:00 மணிக்கு தன்வாதில் இருந்து புறப்பட்டு, மூன்றாவது நாள் அதிகாலை 3:45 மணிக்கு கோயம்புத்தூர் வந்தடையும்.
இந்த ரயிலிலும் 13 சேவைகள் இயக்கப்படும்.