ரேபிஸ் தடுப்பூசி போட்டும் ஆட்டோ டிரைவர் மரணம்.. வருமான வாய்ப்பின்றி தவிக்கும் குடும்பம்!

Auto driver dies after being bitten by a dog: ரேபிஸ் தடுப்பூசி போட்டிருந்தும் வெறிநாய்க்கடியால் தமிழ்நாட்டைச் சேர்ந்த ஒருவர் உயிரிழந்த சம்பவம் பெரும் பரபரப்பை ஏற்படுத்தியுள்ளது.

முகம்மது நசீருதீன்

BySaranya JK

Published on: September 15, 2025 at 10:14 pm

சென்னை, செப்.15, 2025: ராயப்பேட்டையைச் சேர்ந்த 47 வயது ஆட்டோரிக்ஷா ஓட்டுநர், ஜூலை மாதம் ஒரு தெருநாய் கடித்ததால் சனிக்கிழமை மதியம் ராஜீவ் காந்தி அரசு பொது மருத்துவமனையில் (RGGGH) ரேபிஸ் நோயால் உயிரிழந்தார். இந்த நிலையில், நடப்பு ஆண்டில் தமிழ்நாட்டில் ரேபிஸ் நோயால் இறந்த 22வது நபர் இவராவார்.

சென்னை கோயா அருணகிரி 2வது தெருவைச் சேர்ந்த ஏ முகமது நசருதீன், ரேபிஸ் தடுப்பூசியின் நான்கு டோஸ்களையும் பெற்றிருந்தும் இறந்ததாக சுகாதாரத் துறை அதிகாரிகள் தெரிவித்தனர்.
இது குறித்து தி நியூ இந்தியன் எக்ஸ்பிரஸிடம் தெரிவித்த சுகாதார பொது சுகாதாரம் மற்றும் தடுப்பு மருத்துவ இயக்குநர் டாக்டர் ஏ சோமசுந்தரம், “நான்கு டோஸ் தடுப்பூசி அட்டவணை முடிந்த போதிலும், மரணத்திற்கு என்ன வழிவகுத்தது. இதனை, புரிந்துகொள்ள நாங்கள் வழக்கை விசாரித்து வருகிறோம். விசாரணைக்குப் பிறகுதான் உண்மைகள் தெரியவரும்” என்றார்.

2025 ஜூலை 28 ஆம் தேதி கஃபூர் சாஹிப் தெருவில் உள்ள ஆட்டோ ஸ்டாண்ட் அருகே, முகம்மது நசீருதீனின் வலது காலில் ஒரு தெருநாய் கடித்ததாக காவல்துறை வட்டாரங்கள் தெரிவித்தன. முகம்மது நசீருதீன் அவரது குடும்பத்தின் ஒரே வருமானம் ஈட்டும் நபர் என்பதும் குறிப்பிடத்தக்கது.

இதையும் படிங்க : கடலூர் கிரிம்சன் தொழிற்சாலை தொடர் விபத்துகள் குறித்து விசாரணை.. வைகே வலியுறுத்தல்!