கன்னியாகுமரி டு மும்பை சிறப்பு ரயில்.. நேரம், தேதி செக் பண்ணுங்க!

Kanyakumari to Mumbai Special Train: கன்னியாகுமரியில் இருந்து மும்பை சத்ரபதி சிவாஜி ரயில் நிலையத்திற்கு வாராந்திர சிறப்பு ரயில் அறிவிக்கப்பட்டுள்ளது. இந்த ரயில் புறப்படும் தேதி நேரம் ஆகியவற்றை பார்க்கலாம்.

தென்னக ரயில்வே

Southern Railways announces Kanyakumari to Mumbai special trains

BySaranya JK

Published on: March 4, 2025 at 2:10 pm

கன்னியாகுமரி, மார்ச் 4 2025: கன்னியாகுமரியில் இருந்து மும்பை சத்ரபதி ரயில் நிலையத்திற்கு சிறப்பு ரயில் அறிவிக்கப்பட்டுள்ளது. இதற்கான அறிவிப்பை தென்னக ரயில்வே வெளியிட்டுள்ளது.
அந்த அறிவிப்பில், “பண்டிகை காலங்களில் கூட்ட நெரிசலை சமாளிக்கும் பொருட்டு தென்னக சிறப்பு ரெயில்கள் இயக்கப்படுகிறது.

இதனை முன்னிட்டு ரயில் எண். 01005 கொண்ட மும்பை சிஎஸ்டி-கன்னியாகுமரி வாராந்திர எக்ஸ்பிரஸ் ரயில் மார்ச் 10 மற்றும் 17 ஆகிய தேதிகளில் மும்பை சிஎஸ்டியில் இருந்து நள்ளிரவு 12.20 மணிக்கு புறப்பட்டு, மறுநாள் மதியம் 12.15 மணிக்கு கன்னியாகுமரி வந்தடையும்.

அதேபோல் மறுமார்க்கத்தில், ரயில் எண். 01006 கொண்ட கன்னியாகுமரி-மும்பை சிஎஸ்டி வாராந்திர எக்ஸ்பிரஸ் ரயில் மார்ச் 11 மற்றும் 18 ஆகிய தேதிகளில் மதியம் 2.15-க்கு கன்னியாகுமரியிலிருந்து புறப்பட்டு, இரண்டு நாட்களுக்குப் பிறகு அதிகாலை 4.15 மணிக்கு மும்பை சிஎஸ்டியை சென்றடையும்.

மேலும், இந்த சிறப்பு ரயில்களில் 9 ஏசி மூன்றடுக்கு பெட்டிகள், 2 ஏசி இரண்டடுக்கு பெட்டிகள், 5 ஸ்லீப்பர் கோச்சுகள், 2 ஜெனரல் செகன்டு கிளாஸ் கோச்சுகள், 1 லக்கேஜ் கம் பிரேக் வேன் மற்றும் ஒரு செகன்டு கிளாஸ் கோச் (மாற்றுத்திறனாளிகளுக்கு ஏற்றது) ஆகியவற்றை உள்ளடக்கியது. இந்த சிறப்பு ரயில்களுக்கான முன்பதிவு திறந்திருப்பதாகவும் தெரிவிக்கப்பட்டுள்ளது.

இதையும் படிங்க இந்தியாவின் கடன் உயர்வு.. பாஜக அடித்த கமிஷன் எவ்வளவு? தங்கம் தென்னரசு கேள்வி