ஈரானில் போராட்டக்காரர்களின் தலையில் துப்பாக்கி சூடு..16,500 பேர் மரணம்!

Iran Protest: ஈரானில் அரசுக்கு எதிராக போராட்டங்கள் நடைபெற்று வரும் நிலையில் போராட்டக்காரர்களின் தலையில் துப்பாக்கியால் சுடப்பட்ட காயங்கள் காணப்படுகின்றன; இதுவரை இந்தப் போராட்டங்களில் 16 ஆயிரத்து 500 பேர் கொல்லப்பட்டதாகவும் தகவல்கள் வெளியாகி உள்ளன.

ஈரானில் அரசுக்கு எதிரான போராட்டம்

ByLeela Sankar

Published on: January 18, 2026 at 1:03 pm

தெஹ்ரான், ஜனவரி 18, 2026: ஈரானில் நடைபெற்ற அரசுக்கு எதிரான போராட்டத்தில் இதுவரை 16 ஆயிரத்து 500 பேர் கொல்லப்பட்டுள்ளதாக தகவல்கள் வெளியாகி உள்ளன.

ஈரானில் பல வாரங்களாக நடைபெற்றுவரும் போராட்டங்களை அடக்க அரசு மேற்கொண்ட கடும் நடவடிக்கையில், குறைந்தது 16,500 பேர் உயிரிழந்துள்ளதாகவும், 3,30,000 பேர் காயமடைந்துள்ளதாகவும் மருத்துவர்கள் கூறிய தகவலை புதிய அறிக்கை வெளிப்படுத்தியுள்ளது.

இந்த போராட்டங்கள் முதலில் பொருளாதார பிரச்சினைகளை எதிர்த்து தொடங்கப்பட்டன. பின்னர், ஈரான் ஆட்சியை முடிவுக்கு கொண்டுவர வேண்டும் என்ற கோரிக்கையாக மாறின.
சனிக்கிழமை, போராட்டங்கள் நாட்டை உலுக்கிய பின்னர் முதல் முறையாக பொதுவாக கருத்து தெரிவித்த ஈரான் உச்சத் தலைவர் ஆயத்துல்லா அலி காமெனெய், இந்த கலவரங்களில் “ஆயிரக்கணக்கான” மக்கள் உயிரிழந்ததாக கூறினார்.

இதற்கிடையில்,தி சண்டே டைம்ஸ் பெற்றுள்ள புதிய அறிக்கையில், தரையில் பணியாற்றும் மருத்துவர்கள் தெரிவித்ததாவது – ஈரானில் நடைபெற்ற போராட்டங்களை அடக்க அரசின் நடவடிக்கையில் குறைந்தது 16,500 பேர் உயிரிழந்துள்ளனர்; மேலும் 3,30,000 பேர் காயமடைந்துள்ளனர்.

அறிக்கையில், உயிரிழந்தவர்களில் பெரும்பாலானோர் 30 வயதுக்குக் குறைவானவர்கள் எனவும் குறிப்பிடப்பட்டுள்ளது.

இதையும் படிங்க : ஈரானில் போராட்டங்களில் 2,000 பேர் உயிரிழப்பு.. அதிகாரப்பூர்வ தகவல்!