வங்கதேசத்தின் முதல் பெண் பிரதமர் மரணம்.. யார் இந்த கலீதா ஜியா!

Khaleda Zia passes away: வங்கதேசத்தின் முதல் பெண் பிரதமர் கலீதா ஜியா இன்று (டிச.29, 2025) காலை காலமானார்; அவருக்கு வயது 80.

வங்கதேச முதல் பெண் பிரதமர் கலீதா ஜியா

BySaranya JK

Published on: December 30, 2025 at 4:32 pm

டாக்கா, டிச.30, 2025: வங்கதேசத்தின் முதல் பெண் பிரதமரும், பி.என்.பி கட்சித் தலைவருமான கலீதா ஜியா இன்று (செவ்வாய்க்கிழமை) காலை 6 மணிக்கு டாக்காவில் உள்ள தனியார் மருத்துவமனையில் காலமானார்.
அவருக்கு வயது 80. கலீதா ஜியாவின் மரண அறிவிப்பு குறித்து, பி.என்.பி கட்சியின் சமூக ஊடகத்தில் வெளியிட்ட பதிவில், “மருத்துவமனையில் சிகிச்சை பெற்று கொண்டிருந்தபோது காலை 6 மணியளவில் அவர் (கலீதா ஜியா) உயிரிழந்தார் எனத் தெரிவிக்கப்பட்டுள்ளது.

வங்கதேசத்தின் பிரதமராக கலீதா ஜியா இரண்டு முறை பதவி வகித்துள்ளார். இவர், பல தசாப்தங்களாக வங்கதேச நாட்டின் அரசியலில் முக்கியமான தலைவராக விளங்கினார். மேலும், பி.என்.பி கட்சியின் தலைவராக நீண்ட காலம் பணியாற்றினார்.

பிரதமர் நரேந்திர மோடி அனுதாபம்

வங்கதேசத்தின் முன்னாள் பிரதமர் கலீதா ஜியா மரணத்துக்கு இந்தியப் பிரதமர் நரேந்திர மோடி தனது ஆழ்ந்த இரங்கலை தெரிவித்துள்ளார். பிரதமர் நரேந்திர மோடி தனது இரங்கல் செய்தியில், “வங்கதேசத்தின் முதல் பெண் பிரதமராக அவர் செய்த பங்களிப்புகள் என்றும் நினைவில் இருக்கும்” எனத் தெரிவித்துள்ளார்.

மேலும், 2015-ல் டாக்காவில் அவரை சந்தித்ததை நினைவுகூர்ந்த பிரதமர் நரேந்திர மோடி, “இந்தியா– வங்கதேச உறவை முன்னெடுத்து செல்ல அவரது பார்வையும், மரபும் வழிகாட்டும்” எனவும் நம்பிக்கை தெரிவித்துள்ளார். வங்கதேச அரசியலில் முக்கிய இடம் பிடித்த கலீதா ஜியாவின் மறைவு, இரு நாடுகளின் உறவுகளிலும் பெரும் தாக்கத்தை ஏற்படுத்தும் நிகழ்வாகக் கருதப்படுகிறது.

இதையும் படிங்க : வங்கதேசத்தில் இந்து வீடு தீக்கிரை.. அடிப்படைவாத கும்பல் வெறிச்செயல்!