7.4 ரிக்டர் அளவுக்கோல் திடீர் நிலநடுக்கம்.. இந்த நாடுகளுக்கு சுனாமி எச்சரிக்கை!

Tsunami alerts: சிலி மற்றும் அர்ஜென்டினாவின் தெற்கு கடற்கரையில் 7.4 ரிக்டர் அளவிலான நிலநடுக்கம் ஏற்பட்டதால், சுனாமி எச்சரிக்கை விடுக்கப்பட்டுள்ளது.

சுனாமி எச்சரிக்கை

ByLeela Sankar

Published on: May 2, 2025 at 8:13 pm

Updated on: May 2, 2025 at 8:14 pm

சாண்டியாகோ (சிலி), மே 2 2025: சிலி மற்றும் அர்ஜென்டினாவின் தெற்கு கடற்கரைகளில் வெள்ளிக்கிழமை (மே 2 2025) 7.4 ரிக்டர் அளவிலான நிலநடுக்கம் ஏற்பட்டதாக அமெரிக்க புவியியல் ஆய்வு மையம் தெரிவித்துள்ளது. இதற்கிடையில், நிலநடுக்கத்திற்குப் பிறகு நாட்டின் தெற்குப் பகுதிக்கு சிலி அதிகாரிகள் சுனாமி எச்சரிக்கையை விடுத்தனர்.

இது குறித்து வெளியான செய்திக் குறிப்பில், “சுனாமி எச்சரிக்கை காரணமாக, மாகல்லன்ஸ் பிராந்தியத்தின் கடலோரப் பகுதி மக்கள் அங்கிருந்து வெளியேற வேண்டும். அப்பகுதியில் உள்ள பொதுமக்கள் பாதுகாப்பான மண்டலத்திற்கு வெளியேற்ற அதிகாரிகள் உடனடி நடவடிக்கை எடுக்க வேண்டும்” எனத் தெரிவிக்கப்பட்டு இருந்தது.

இதனைத் தொடர்ந்து, அர்ஜென்டினா நகரமான உஷுவாயாவிலும் நிலநடுக்க எச்சரிக்கைகள் விடுக்கப்பட்டன. நிலநடுக்கத்தின் மையப்பகுதி அர்ஜென்டினா நகரமான உஷுவாயாவிலிருந்து 219 கிலோமீட்டர் (173 மைல்) தெற்கே கடலுக்கு அடியில் இருந்ததாக அமெரிக்கா தெரிவித்துள்ளது.

இதையும் படிங்க : ஆம் ஆத்மி பிரமுகர் மகள் கனடாவில் மரணம்; கடற்கரையில் பிணமாக கிடந்தார்!