உலகை திரும்பிப் பார்க்க வைத்த ஆப்கானிஸ்தான் சிறுமி; யார் இந்த நிலா இப்ராகிம்?

பெண்களுக்கு எதிரான அடக்குமுறைகளுக்கு குரல் கொடுத்து, குழந்தைகளுக்கான அமைதி விருதை வென்றுள்ளார் ஆப்கானிஸ்தான் நாட்டைச் சேர்ந்த நிலா இப்ராஹிம்.

நிலா இப்ராகிம்

afghan girl Nila Ibrahimi wins childrens peace prize

ByDravidan Times Bureau

Published on: November 21, 2024 at 5:41 pm

Updated on: November 21, 2024 at 7:13 pm

Nila Ibrahimi | ஆப்கானிஸ்தானை சேர்ந்த 17 வயது சிறுமி நிலா இப்ராஹிமி. தனது சொந்த நாடான ஆப்கானிஸ்தானில் பேச தடை விதிக்கப்பட்டுள்ள நிலா இப்ராஹிமி, காபூலில் சிறுமிகளின் உரிமைகளுக்காக வாதிட்டதற்காக மதிப்புமிக்க சர்வதேச குழந்தைகள் அமைதி பரிசை வென்றுள்ளார். ஆப்கானிஸ்தானில் பெண் குழந்தைகளின் உரிமைகளுக்காக போராடும் துணிச்சலான பணிக்காக நிலாவுக்கு இந்த விருது வழங்கப்பட்டது.

கடந்த செவ்வாய் கிழமை (19ஆம் தேதி) ஆம்ஸ்டர்டாமில் நடந்த விழாவில், நிலா இப்ராஹிமிக்கு இந்த விருது வழங்கப்பட்டது. முன்னதாக மலாலா யூசுப்சாய், கிரேட்டா தன்பெர்க் மற்றும் என்கோசி ஜான்சன் ஆகியோர் இந்த விருதை பெற்றுள்ளனர்.

2021 ஆம் ஆண்டு மார்ச் மாதத்தில், தலிபான்கள் ஆப்கானிஸ்தானைக் கைப்பற்றுவதற்கு சுமார் ஆறு மாதங்களுக்கு முன்பு, காபூல் கல்வி இயக்குநரகம் 12 வயதுக்கு மேற்பட்ட சிறுமிகளை பொது இடங்களில் பாடுவதைத் தடை செய்தது.

உத்தரவுக்கு எதிர்ப்பு தெரிவித்த நிலா அமைதியாக இருக்க மறுத்துவிட்டார். தொடர்ந்து #IAmMySong இயக்கத்தின் ஒரு பகுதியாக அவர் ஒரு எதிர்ப்புப் பாடலைப் பதிவு செய்தார். அது வைரலானதைத் தொடர்ந்து, உத்தரவு சில வாரங்களில் ரத்து செய்யப்பட்டது.

ஒரு ஆர்வலராக தனது முதல் படிகளை விவரித்து, “இது ஆபத்தானது. அந்த நேரத்தில் அது ஆபத்தானதாக உணர்ந்தேன், ஆனால் எனக்கு 13 அல்லது 14 வயதாக இருந்ததால், அதைப் பற்றிய முழு விபரத்தையும் நான் புரிந்து கொள்ளவில்லை. என்றார்.

நிலா தனது குடும்பத்தினருடன் 30 பேர்ட்ஸ் அறக்கட்டளையின் உதவியுடன் ஆப்கானிஸ்தானில் இருந்து பாகிஸ்தானுக்கு தப்பிச் சென்றார். அதன்பிறகு, அவர் கனடாவுக்குச் சென்றார். அங்கு அவர் ஆப்கானிஸ்தான் சிறுமிகளுக்காக தொடர்ந்து வாதிடுகிறார்.

இதையும் படிங்க பேட்மிண்டன் சாம்பியன் டூ ஐ.பி.எஸ் அதிகாரி: யார் இந்த குஹூ கார்க்!