சூடுபிடிக்கும் திருச்சி கிழக்கு.. நடிகர் விஜய் போட்டி.. த.வெ.க கணக்கு என்ன?

Tiruchy East Polls Heat Up with Vijay Entry: நடிகரும், தமிழக வெற்றிக் கழகத் தலைவருமான விஜய், சென்னை மற்றும் திருச்சி கிழக்கில் போட்டியிடுகிறார்.

தமிழக வெற்றிக் கழகத் தலைவர் விஜய்

BySaranya JK

Published on: March 29, 2026 at 10:58 pm

சென்னை, மார்ச் 29, 2026: திருச்சி (கிழக்கு) சட்டமன்றத் தொகுதியில் தமிழக வெற்றிக் கழகத் தலைவர் விஜய் போட்டியிடுவதால், கடுமையான தேர்தல் போட்டி உருவாகியுள்ளது.

இந்தத் தொகுதியில், வாக்காளர்கள் எண்ணிக்கை மொத்தம் 2,17,397 ஆகும். இதில், ஆண்கள் 1,04,883 ஆகவும், பெண்கள் 1,12,460 ஆகவும் காணப்படுகின்றனர். மேலும், திருச்சி மாநகராட்சியின் 23 வார்டுகள், காந்தி மார்க்கெட், ராக்க்போர்ட் உள்ளிட்ட நகர்ப்புற பகுதிகள் இதில் அடங்குகின்றன. மேலும், இந்தத் தொகுதியை பொருத்தமட்டில், கிறிஸ்தவர்கள், முஸ்லிம்கள், நடுத்தர மற்றும் தொழிலாளர் வர்க்க வாக்காளர்கள் அதிகம் காணப்படுகின்றனர். இந்தத் தொகுதியை பொறுத்தவரை, தி.மு.க. வேட்பாளர் சிட்டிங் எம்.எல்.ஏ இனிகோ எஸ். இருதயராஜ் கிறிஸ்தவ சமூகத்தில் வலுவான அடிப்படை தொடர்பு கொண்டவர் ஆவார்.

மேலும், அதிமுக வேட்பாளர் ஜி. ராஜசேகரன் — இந்திரா கணேசன் பொறியியல் கல்லூரி செயலாளர் ஆவார். இவர், புதிய முகமாக களம் காண்கிறார். நாம் தமிழர் கட்சி சார்பில், டாக்டர் கிருஷ்ணசாமி களத்தில் உள்ளார்.
இந்தத் தொகுதியில், 2016-இல் அதிமுக வெற்றி பெற்றது; அதேநேரம், 2021-இல் திமுக வெற்றிப் பெற்றது. இதற்கிடையில், விஜய் இளைஞர்கள் மற்றும் சிறுபான்மை வாக்காளர்களை கவர முயற்சிக்கிறார். இந்த நிலையில், திருச்சி கிழக்கு தொகுதி மிகுந்த கவனத்துடன் பார்க்கப்படும் தேர்தல் தொகுதியாக மாறியுள்ளது.

சென்னையில் விஜய்

விஜய் சென்னை பெரம்பூர் தொகுதியிலும் விஜய் களம் காண்கிறார். ஆக, அவர் சென்னை மற்றும் திருச்சியை குறி வைப்பது தி.மு.க.வின் வாக்கு வங்கியை பாதிக்கும் எனவும் அரசியல் நோக்கர்கள் கூறுகின்றனர்.

இதையும் படிங்க: திமுக தேர்தல் அறிக்கை.. பெண்களுக்கு ரூ.2,000 உதவி, காலை உணவு திட்டம் விரிவாக்கம்!