Shekhar Babu says DMK alliance: திமுக கூட்டணியை யாராலும் தகர்க்க முடியாது எனக் கூறிய இந்து அறநிலைத்துறை அமைச்சர் சேகர்பாபு, முதலமைச்சர் மு க ஸ்டாலின் திமுக கூட்டணியை சிதற விடமாட்டார் என்றார்.
Shekhar Babu says DMK alliance: திமுக கூட்டணியை யாராலும் தகர்க்க முடியாது எனக் கூறிய இந்து அறநிலைத்துறை அமைச்சர் சேகர்பாபு, முதலமைச்சர் மு க ஸ்டாலின் திமுக கூட்டணியை சிதற விடமாட்டார் என்றார்.
Published on: March 2, 2025 at 12:03 pm
Updated on: March 2, 2025 at 8:32 pm
சென்னை, மார்ச் 2, 2025: திமுக கூட்டணியை யாராலும் தகர்க்க முடியாது என்கிறார் இந்து அறநிலையத்துறை அமைச்சர் சேகர்பாபு. தமிழ்நாட்டில் திமுக தலைமையிலான கூட்டணி ஆட்சி நடைபெற்று வருகிறது. முதலமைச்சராக மு க ஸ்டாலின் பொறுப்பில் உள்ளார். துணை முதலமைச்சர் பதவி உதயநிதி ஸ்டாலினுக்கு வழங்கப்பட்டுள்ளது. திமுக கூட்டணியில் காங்கிரஸ், மார்க்சிஸ்ட் மற்றும் இந்திய கம்யூனிஸ்ட், விடுதலைச் சிறுத்தைகள் கட்சி, கொங்கு தேசிய மக்கள் கட்சி, இந்திய யூனியன் முஸ்லிம் லீக், பேராசிரியர் ஜவாஹிருல்லாவின் மனிதநேய மக்கள் கட்சி உன்னிடம் பல்வேறு கட்சிகள் உள்ளன.
இந்த நிலையில் கூட்டணியின் நிலைப்பாடு தேர்தல் சமயத்தில் மாறலாம் என எதிர்க்கட்சிகள் தொடர்ந்து கூறி வருகின்றன. திருமாவளவனின் விடுதலைச் சிறுத்தைகள் கட்சியிலிருந்து ஆதவ் அர்ஜுனா விலகி நடிகர் விஜயின் தமிழக வெற்றிக் கழகத்தில் இணைந்து கொண்டார். இதைத்தொடர்ந்து திருமாவளவன் திமுக கூட்டணியில் இருந்து வெளியேறலாம் என வதந்திகள் பரப்பப்பட்டன.
இதையும் படிங்க: சாரி ப்ரோ.. நெக்ஸ்ட் Question ப்ரோ.. விஜய் குறித்த கேள்விக்கு அன்புமணி பதில்!
இதற்கு அப்போதே தொல் திருமாவளவன் பதில் அளித்து விட்டார். இந்த நிலையில் திமுக கூட்டணி தற்போது வரை வலுவாக இருப்பதாகவே கூறப்படுகிறது. இதற்கிடையில் கூட்டணி குறித்து பேசிய இந்து அறநிலைத்துறை அமைச்சர் சேகர்பாபு, ” திமுக கூட்டணியை யாராலும் தகர்க்க முடியாது; இந்தக் கூட்டணி இரும்புக்கோட்டையால் ஆனது. அரசியல் ஞானோதயம் மிக்க முதல்வர் மு க ஸ்டாலின் இந்த கூட்டணியை சிதற விடமாட்டார்” என்றார்.
கடந்த தேர்தல்களில் பாஜக கூட்டணிகள் இருந்த பாமக நிலைப்பாடு தற்போது வரை சஸ்பென்ஸ் ஆகவே உள்ளது. இதனால் பாட்டாளி மக்கள் கட்சியின் ஆதரவு அதிமுகவுக்கா அல்லது பாரதிய ஜனதா கட்சிக்கா என்ற கேள்விகள் எழுந்துள்ளன என்பது குறிப்பிடத்தக்கது.
இதையும் படிங்க: இதைவிட பெண்களைக் கேவலமாக பேச முடியாது.. சீமானுக்கு எதிராக கொந்தளித்த கனிமொழி!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
