தமிழக மீனவர்கள் 35 பேர் கைது.. நடுக்கடலில் பரபரப்பு.. அடுத்து என்ன?

Tamil Nadu fishermen arrested: தமிழ்நாடு மற்றும் காரைக்கால் பகுதிகளை சேர்ந்த 35 இந்திய மீனவர்களை இலங்கை கடற்படை கைது செய்துள்ளது.

இந்திய மீனவர்கள் 35 பேர் கைது

ByPushpa Gopinath

Published on: November 3, 2025 at 8:21 pm

சென்னை, நவ.3, 2025: தமிழ்நாடு மற்றும் காரைக்கால் உள்ளிட்ட பகுதிகளை சேர்ந்த 35 மீனவர்கள் இலங்கை கடற்படையால் இன்று (திங்கள்கிழமை) கைது செய்யப்பட்டுள்ளனர். சர்வதேச கடல் பகுதியில் எல்லை பகுதியை தாண்டி மீன்பிடித்ததாக இவர்கள் கைது செய்யப்பட்டுள்ளனர். கைது செய்யப்பட்ட தமிழ்நாடு, காரைக்கால் பகுதியைச் சேர்ந்த மீனவர்கள் 35 பேரும், கான்கேசன்துரை கப்பல் படை கேம்பில் விசாரணைக்காக வைக்கப்பட்டுள்ளனர் என இலங்கை அதிகாரிகள் தெரிவித்துள்ளனர்.

இந்த மீனவர்கள் 3 இயந்திர படகுகளில் மீன்பிடித்துள்ளனர். இந்த நிலையில், அந்த இயந்திர மீன்பிடிப் படகுகளும் பறிமுதல் செய்யப்பட்டுள்ளன. இது தமிழ்நாடு, காரைக்கால் மீனவர்கள் இடையே பதற்றத்தை ஏற்படுத்தியுள்ளது. கடந்த சில ஆண்டுகளாக தமிழ்நாடு, காரைக்கால் பகுதியை சேர்ந்த மீனவர்கள் இலங்கை கடற்படையினரால் எல்லை தாண்டி மீன்பிடித்தாக கைது செய்யப்படுவது அதிகரித்து வருகிறது. இது மீனவர்கள் மத்தியில் அதிர்ச்சியை ஏற்படுத்தியுள்ளது.

இதையும் படிங்க: காவல் நிலையத்தில் அதிகாரி முன்னிலையில் பாமக நிர்வாகியின் கழுத்தை அறுத்த ரவுடிகள்: இது தான் சட்டம் – ஒழுங்கை காக்கும் லட்சனமா? அன்புமணி ராமதாஸ்