Tamilnadu Assembly Session: கர்நாடகாவின் மேகதாது அணை திட்டத்திற்கு எந்தவித அனுமதியும் வழங்கக்கூடாது என வலியுறுத்தி, தமிழக சட்டப்பேரவையில் முதலமைச்சர் விஜய் தனித் தீர்மானத்தை கொண்டு வந்தார்.
Tamilnadu Assembly Session: கர்நாடகாவின் மேகதாது அணை திட்டத்திற்கு எந்தவித அனுமதியும் வழங்கக்கூடாது என வலியுறுத்தி, தமிழக சட்டப்பேரவையில் முதலமைச்சர் விஜய் தனித் தீர்மானத்தை கொண்டு வந்தார்.
Published on: June 19, 2026 at 12:57 pm
சென்னை, ஜுன் 19 2026: கர்நாடக அரசு காவிரி ஆற்றின் குறுக்கே மேகதாது அணை அமைக்கும் திட்டத்தை முன்னெடுத்து வரும் நிலையில், அதற்கு எந்தவித அனுமதியும் வழங்கக்கூடாது என்று வலியுறுத்தி தமிழக சட்டப்பேரவையில் முதலமைச்சர் விஜய் தனித் தீர்மானத்தை கொண்டு வந்தார். இந்த தீர்மானம் அவையில் ஒருமனதாக நிறைவேற்றப்பட்டது.
சட்டப்பேரவையில் பேசிய முதலமைச்சர் விஜய், காவிரி நீர்ப்பங்கீடு தொடர்பாக உச்சநீதிமன்றம் வழங்கிய தீர்ப்பு மற்றும் காவிரி நீர்த் தீர்ப்பாயத்தின் இறுதி உத்தரவுகளுக்கு முரணாக மேகதாது திட்டம் அமைந்துள்ளதாக தெரிவித்தார். இந்தத் திட்டம் செயல்படுத்தப்பட்டால், தமிழகத்திற்கு கிடைக்க வேண்டிய காவிரி நீரின் ஓட்டம் பாதிக்கப்படுவதுடன், டெல்டா மாவட்ட விவசாயிகளின் வாழ்வாதாரத்திற்கும் பெரும் பாதிப்பு ஏற்படும் என அவர் எச்சரித்தார்.
மேகதாது அணை திட்டத்திற்கு தொழில்நுட்ப அனுமதி, சுற்றுச்சூழல் அனுமதி உள்ளிட்ட எந்தவித ஒப்புதலையும் மத்திய அரசு வழங்கக் கூடாது என்றும், தமிழகத்தின் ஒப்புதலின்றி காவிரி நீர்ப்பிடிப்பு பகுதிகளில் புதிய திட்டங்களை மேற்கொள்ள கர்நாடகாவுக்கு அனுமதி வழங்கப்படக்கூடாது என்றும் தீர்மானத்தில் வலியுறுத்தப்பட்டது.
2007 பிப்ரவரி 5ஆம் தேதி காவிரி நதிநீர் தீர்ப்பாயம் வழங்கிய உத்தரவு, 2018 பிப்ரவரி 16ஆம் தேதி உச்சநீதிமன்றம் வழங்கிய தீர்ப்பு, மற்றும் மத்திய அரசின் அறிவிப்புகள் அனைத்தும் மேகதாட்டு அணை திட்டத்திற்கு அனுமதி வழங்கக் கூடாது என்பதையே உறுதிப்படுத்துகின்றன என்று முதலமைச்சர் விஜய் குறிப்பிட்டார். மேலும், கர்நாடக அரசு திட்டத்தை முன்னெடுக்க முயற்சிப்பது சட்டவிரோதமானது என்றும், தமிழக விவசாயிகளின் வாழ்வாதாரத்தை ஆபத்துக்குள்ளாக்கும் என்றும் அவர் வலியுறுத்தினார்.
அவர் மேலும், காவிரி நதிநீர் பகிர்வு தொடர்பான உச்சநீதிமன்ற தீர்ப்புகள், மத்திய அரசின் அறிவிப்புகள், மற்றும் காவிரி மேலாண்மை வாரியத்தின் உத்தரவுகள் அனைத்தும் கர்நாடக அரசு மேகதாட்டு அணை திட்டத்தை முன்னெடுக்க முடியாது என்பதைக் காட்டுகின்றன என்றார். தமிழக விவசாயிகளின் நலனை பாதுகாக்கும் வகையில், அரசு தொடர்ந்து சட்டப்பூர்வமான நடவடிக்கைகளை எடுத்து வருவதாகவும், அதற்கு சட்டசபை முழுமையான ஆதரவை அளிக்கிறது என்றும் அவர் தெரிவித்தார்.
மேலும், தமிழகத்தின் நீர்வள உரிமைகளை பாதுகாக்க தேவையான அனைத்து சட்ட மற்றும் நிர்வாக நடவடிக்கைகளையும் அரசு தொடர்ந்து மேற்கொண்டு வருவதாகவும், காவிரி நீரை நம்பி வாழும் லட்சக்கணக்கான விவசாயிகளின் நலனை பாதுகாப்பதில் அரசு உறுதியாக இருப்பதாகவும் முதலமைச்சர் விஜய் தெரிவித்தார். இதுதொடர்பாக ஏற்கனவே பிரதமர் நரேந்திர மோடிக்கும் கடிதம் எழுதி, மேகதாது திட்டத்தின் விரிவான திட்ட அறிக்கையை நிராகரிக்குமாறு மத்திய அரசை வலியுறுத்தியிருந்தார்.
தொடர்ந்து, முதலமைச்சர் விஜய் முன்மொழிந்த தனித்தீர்மானத்தை ஆதரித்து எதிர்க்கட்சி தலைவர்கள் பேசினார்கள். நிறைவாக, மேகதாது அணைக்கு எதிரான முதலமைச்சர் விஜய் கொண்டு வந்த தனித்தீர்மானம் ஒருமனதாக நிறைவேற்றப்பட்டது.
இதையும் படிங்க என் மகன் அதிமுகவின் அடிப்படை உறுப்பினர் மட்டுமே.. எந்த பொறுப்பிலும் இல்லை.. எடப்பாடி பழனிச்சாமி!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
