தமிழக மீனவர்கள் மீது இலங்கை கொள்ளையர்கள் தாக்குதல்? பரபரப்பு தகவல்கள்

Sri Lankan pirates attack Tamil Nadu fishermen: தமிழக மீனவர்கள் மீது இலங்கை கொள்ளையர்கள் தாக்குதல் நடத்தியதாக தகவல் வெளியாகி உள்ளது.

தமிழக மீனவர்கள்

BySaranya JK

Published on: April 17, 2025 at 1:02 pm

ராமேஸ்வரம் ஏப்ரல் 17 2025: நாகப்பட்டினம் மாவட்டம் செருதூர் மீனவர்கள் மீது இலங்கை கடற்கொள்ளையர்கள் தாக்குதலில் ஈடுபட்டதாக தற்போது செய்தி வெளியாகியுள்ளது. இந்த கொள்ளையர்கள் தமிழக வீரர்களை தாக்கி அவர்களிடமிருந்து ரூபாய் 2 லட்சம் மதிப்பிலான இயந்திரங்கள், ஜிபிஎஸ் கருவிகள், இரண்டு செல்போன்கள் மற்றும் பேட்டரிகளை கொள்ளை அடித்து சென்றுள்ளனர்.

இது மட்டுமின்றி 30 கிலோ மீன்களையும் பறித்து சென்றதாக கூறப்படுகிறது. மேலும் நாகப்பட்டினம் செருதூர் மீனவர்களை தொடர்ந்து வேதாரண்யம் மீனவர்கள் மீதும் இலங்கை கடற்கொள்ளையர்கள் தாக்குதலில் ஈடுபட்டதாக தகவல் வெளியாகியுள்ளது. தமிழக மீனவர்கள் மீது கடற்கொள்ளையர்கள் தாக்குதலில் ஈடுபட்டதாக வெளியான செய்திகள் மீனவ மக்கள் மத்தியில் பெரும் பரபரப்பை ஏற்படுத்தியுள்ளன.

ஏற்கனவே தமிழக மீனவர்கள் சர்வதேச கடல் எல்லையை தாண்டி மீன்பிடிக்க வருவதாக கூறி இலங்கை கடற்படையினர் கைது செய்து வருகின்றனர். 2025 ஜனவரி மாதத்திற்கு பிறகு இந்த கைது நடவடிக்கை அதிகரித்து காணப்படுகிறது; மேலும் மீனவர்களின் படகுகளும் பறிமுதல் செய்யப்படுகின்றன. இந்த விவகாரத்தில் மத்திய மாநில அரசுகள் பேசி உடனடியாக தீர்வு காண வேண்டும் என மீனவ மக்கள் கோரிக்கை விடுத்துள்ளனர் என்பது குறிப்பிடத்தக்கது.

இதையும் படிங்க: ‘விஜயை இஸ்லாமியர்கள் அழைக்க வேண்டாம்’: சகாபுதீன் ராஷ்வி!