தமிழக வெற்றி கழகத்துடன் காங்கிரஸ் கூட்டணி அமையுமா? செங்கோட்டையன் அதிரடி பதில்!

Sengottaiyan : தமிழக வெற்றி கழகத்துடன் காங்கிரஸ் கூட்டணி அமைக்குமா என்ற கேள்விக்கு அதிரடியாக பதில் அளித்தார் அக்கட்சியில் மூத்த தலைவர் செங்கோட்டையன்.

ராகுல் காந்தி, விஜய், செங்கோட்டையன்

BySaranya JK

Published on: December 29, 2025 at 5:59 pm

சென்னை, டிச. 29, 2025: தமிழக வெற்றி கழகத்துடன் காங்கிரஸ் கூட்டணி அமைக்க வேண்டும் என அக்கட்சியின் நிர்வாகிகள் ஆங்காங்கே பேசி வருகிறார்கள் என்ற கேள்விக்கு தனது பாணியிலேயே அதிரடியாக பதில் அளித்துள்ளார், TVK மூத்த தலைவர் செங்கோட்டையன்.

தமிழக வெற்றிக் கழகத்தின் மூத்த நிர்வாகி செங்கோட்டையன் செய்தியாளர்களை சந்தித்தார். அப்போது அவரிடம் நிருபர்கள் தமிழக வெற்றி கழகம் காங்கிரஸ் இடையே 2026 சட்டமன்ற தேர்தலில் கூட்டணி அமையுமா என கேள்விகளை எழுப்பினார்கள்.

மேலும் இது தொடர்பாக காங்கிரஸ் நிர்வாகிகள் ஆங்காங்கே பேசி வருகின்றனர் எனவும் கூறினார்கள். இதற்கு பதில் அளித்த செங்கோட்டையன், ” காங்கிரஸ் கட்சியின் நிர்வாகிகளால் இந்த கருத்துக்கள் பல்வேறு இடங்களில் பரிமாறப்பட்டு வருகின்றன; எனினும் இந்த கருத்துக்கள் எனது கவனத்துக்கு கொண்டு வரப்படவில்லை” என்றார்.

தொடர்ந்து செய்தியாளர்கள் இந்த கருத்துக்கள் உங்களது கவனத்திற்கு கொண்டுவரப்பட்டால் என்ன மாதிரியான முடிவு எடுப்பீர்கள் என பதில் கேள்வி எழுப்பினார்கள்.
இதற்கு அமைதியாக பதில் அளித்த செங்கோட்டையன், ” இன்னமும் எனது கவனத்திற்கு வரவில்லை; வந்தால் தானே முடிவெடுக்க முடியும்” என்றார்.

இதையும் படிங்க; பொங்கலுக்கு ₹5,000 வழங்க வேண்டும்.. மு.க ஸ்டாலினுக்கு எடப்பாடி வலியுறுத்தல்!