‘உளவு வேலை’.. சொந்தக் கட்சி நிர்வாகியை சாடிய செல்வ பெருந்தகை!

Selvaperunthagai: “காங்கிரஸ் கட்சியில் சிலர் உளவு வேலை பார்க்கின்றனர்” எனக் கூறியுள்ளார் தமிழக காங்கிரஸ் காரிய கமிட்டித் தலைவர் செல்வபெருந்தகை எம்.எல்.ஏ.

பிரவீன் சக்கரவர்த்தி, செல்வ பெருந்தகை

ByPushpa Gopinath

Published on: December 29, 2025 at 8:00 pm

சென்னை, டிச.29, 2025: தி.மு.க, காங்கிரஸ் கூட்டணியில் திடீர் சலசலப்பு ஏற்பட்டுள்ளது. காங்கிரஸ் கட்சியை சேர்ந்த நிர்வாகி பிரவீன் சக்கரவர்த்தி என்பவர், “தமிழ்நாட்டின் கடன் மற்றும் உத்தரப் பிரதேச மாநிலத்தின் கடன் நிலைமைகளை பகிர்ந்திருந்தார். அதிலும், “உத்தரப் பிரதேசத்தின் கடனை விட தமிழ்நாட்டின் கடன் அதிகமாக இருக்கிறது எனக் தரவுகளை சுட்டிக்காட்டியிருந்தார்.

இது தி.மு.க., காங்கிரஸ் கூட்டணியில் சலசலப்பை ஏற்படுத்தியுள்ளது. இந்நிலையில் காங்கிரஸ் எம்.பி ஜோதிமணி, “கல்வி, சுகாதாரம் மற்றும் சமூகநீதியில் தமிழ்நாடு முன்னோடியாக திகழ்கிறது. ஆனால் உத்தரப் பிரதேசம் பின்தங்கியுள்ளது. ஆகவே இவ்விரு மாநிலங்களையும் ஒப்பிடுவது சரியல்ல” எனத் தெரிவித்து இருந்தார்.

இதையும் படிங்க: பா.ம.க அன்புமணிக்கு சொந்தமானது அல்ல.. ஜி.கே. மணி

இதற்கு மற்றொரு காங்கிரஸ் எம்.பி சசிகாந்த் செந்திலும் எதிர்ப்பு தெரிவித்துள்ளார். அவர், “மாநிலங்கள் அவற்றின் மொத்தக் கடனை மட்டும் மதிப்பிடுவது, உயரம் மற்றும் தசை வளர்ச்சியை பார்க்காமல் உடற்தகுதியை தீர்மானிப்பது போன்றது. இது முழுமையான தரவுகள் இல்லாத வெறும் மேலோட்டமான கணிப்பு” எனத் தெரிவித்து இருந்தார்.

இதேபோல் காங்கிரஸ் கட்சியின் லட்சுமி ராமச்சந்திரன், மோகன் குமாரமங்கலம் உள்ளிட்டோரும் எதிர்ப்பு தெரிவித்துள்ளனர். இந்த நிலையில், பிரவீன் சக்கரவர்த்தியின் தரவுகள் தொடர்பான கேள்விக்கு பதிலளித்த காங்கிரஸ் கட்சியின் மாநிலத் தலைவர் செல்வ பெருந்தகை எம்.எல்.ஏ., “தனிநபர் வளர்ச்சிக்காகவும், விளம்பரத்திற்காகவும் இதையெல்லாம் செய்கிறார்கள். உளவு வேலை பார்ப்பவர்களை நாங்கள் அனுமதிக்க மாட்டோம்” எனத் தெரிவித்துள்ளார்.

இதையும் படிங்க: வடிவேல், நயன்தாரா வந்தால்கூட கூட்டம் கூடும்.. போட்டுத்தாக்கிய செல்லூர் ராஜூ!